أستفسار لأخواني بالأردن أو اللي عنده خلفية عن الجامعات هناك

السلام عليكم ورحمة الله وبركاته

أنا أخوكم من السعودية وحاب أدرس طب بجامعة العلوم والتكنولوجيا أو أي جامعه أردنية.

معدلي بالثانوية 87% علمي

أدرس حالياً دبلوم تقنية قلب (3 سنوات) بقالي سنة وأخلص

أنا نويت أني أوقف دراسة وأجي عالأردن وأدرس طب

عندي كم سؤال وأتمنى من أخواني الإجابه السريعه:

هل معدلي يساعدني على القبول بالطب البشري

هل فيه نظام معادلة الشهادات

تكلفة الدراسه للترم الواحد كم؟ سمعت أنها بالساعات, وأنا ما أعرف النظام هذا لذلك لو يتكرم أحد الأخوان ويقولي التكلفة للترم الواحد كم

وتكاليف السكن.

ومتى يبدأ القبول؟ ولو فات هل فيه مجال أني أقدم طلب قبول بالترم الثاني

الله يوفقكم جميعاً وأتمنى الرد سريع

دمتم برعاية الله...

يا هلا اخوي خالد
الله يوفقك يارب
انا بدرس بالجامعه الاردنيه
وبحاول اجاوبك قد ما بعرف
نظام معادلة الشهادات موجود عنا
وكانه بنقصه عشر علامات من شهادات السعوديه
بصراحه مش متأكده اذا كان معدلك يؤهلك ..
لانه كل عنا اوئل السعوديه يلتحقوا ..معدلاتهم 99 وفوق
بس في انظمه تانيه موازي ودولي وابناء عاملين وابصر شوو
يعني في معدلات اقل
خاصه بالجامعات التاينه غير الاردنيه
بس اذا بقبلو او لا هاد.. برجع لطبيعة معدلات السنه اللي بدك تسجل فيها
و خلال الشهر القادم واللي بعده رح يبدأ تسجيل السنه القادمه باذن الله
التكاليف
متل ما قلتلك
تختلف حسب نظام القبول
بس الموازي عنا بلاردنيه 150 دولا ر للساعه!
في التيرم الواحد تاخد تقريبا 15-19ساعه << بختلف شوي بين الفصول حسب الخطه
اضرب بالعدد
السكن وهاي الشغلات مختلفه بشكل كبييير
يعني سكن داخلي بكون رخيص كتيير
سكن خاص اغلى ..
بس بالضبط ما عندي علم
لانه التفاولت واضح جدا
لي عوده لاني مستعجله
اي استفسار انا جاهزه
اختك اسراء

كيف أقدر أقدم الطلب وأنا بالسعوديه؟
وأيش النظام الموازي؟
أنا بالعربي ما اعرف شي عن التقديم والقبول, كل اللي أبي أعرف طريقة إجراءات القبول
وأيش يطلبون, وكيف أقدمه, وهل فيه جامعات أقدر أضمن فيها قبولي؟ لاني ناوي طب السنه هذي, يأدرس اطب يا أظل عاطل طول عمري. ماراح تفرق معي.
لأن أملي الوحيد بالطب هو الأردن.

الله يوفقك يارب, والله أني محتار ولا أدري من أسأل. ألف شكر على ردك الكريم

اهلا مره تانيه
تقديم الاوراق..
انا ابن عمي كان نفس الشي بدو يجي هون..بس مو طب.
وصلتنا أوراقه من السعوديه .. شهادة الثانويه ..
وصوره مصدقة عن شهادة الميلاد وشغلات متل هيك
بس ما بعرف..كيف وصلت..يمكن على البريد او حد جابها
النظام الموازي..يعني مش تنافس
الطلاب اللي ينقبلوا بناء على معدلاتهم في الثانويه
وتنافسوا بينهم لعدد مخصص من المقاعد لكل تخصص..
هدول بنحكيلهم دخلوا تنافس
اللي معدلهم ما سمحلهم يدخلوا تنافس
يقدروا بين بعض يتنافسوا على عدد مخصص لهم كمان
المشكله انه حتى على الموازي عنا
ادنى معدل طب انقبل بسنتي سواء تنافس او موازي كان قريب 93 توجيهي اردني
فالمشكله وما فيها انه الطب صعب مناله
لكن انا كل كلامي عن الارنيه
عندك التكنولوجيا ومؤته والهاشميه مؤخرا
فيها تخصص الطب بمعدلات اقل على التتابع
بس والله ما عندي ادنى فكره عن الى اي حد يوصل معدل القبول
لازم تسال وتستفسر بشكل اعمق شوي
خد موقع الجامعه الاردنيه
يمكن تلاقي شي يفيدك
www.j.ed.j
تحياتي

والله كفيتي ووفيتي
ماقصرتي أختي إسراء
وألف شكر على ردك الكريم وعلى وقتك

اخي خالد ( او دكتور خالد)
اليوم سالت صديقاتي بالجامعه اذا بيعرفوا شي عن الموضوع
ففي وحده بتعرف انه في واحد جاي من السعوديه تقريبا متل معدلك
وطلعله قبول في احدى الجامعات
بس على نظام الدولي
وبدي اصحح المعلومه
انه ساعة الدولي والموازي 170 دولار مش 150
150 دينار اردني..سري تخربطت
اتمنالك التوفيق
وانك تسارع بتقديم اوراقك باقرب فرصه
وربي ييسر امرك ويجيبلك اللي فيه الخير
لا تنسى الاستخاره
تحياتي لك