أفيدوني لو سمحتو بليييييييييييييييييز ضروري

السلام عليكم ..
انا في اخر سنة في الثانوي باقي شهرين وامتحن امتحان الثانوية .. وبالنسبة للجامعة والتخصص كنت حابة ادرس تكنولوجيا المختبرات الطبية .. يعني كنت سامعة عنها بس ما عندي عنها معلومات كتيرة .. فحابة اتعرف على التخصص اكتر واعرف المواد البتندرس فيهو بالضبط وكمان هو عبارة عن شو وشو بندرس فيهو ؟؟

بليز افيدوني لانو مفروض ابدا اقدم للجامعة
شكرا

في البدايه نرحب فيك في هذا المنتدى الرائع
بيتي وبيت كل الطلاب

بالنسبه لتخصص المختبرات الطبيه هو تخصص حيوي (VITA)ودوره كبير جدا في التشخيص ,,فلا يسطيع الطبيب ان يشخص بالعلامات السريريه دون الرجوع الى المختبر,,والاشعه
فكما تعلمين الطب هو تكامل جهود الطبيب واخصائي المختبر وطبيب الاشعه,,ليتعاونو معا نحو تشخيص صحيح وبالتالي مصلحه المريض

اختي بالنسبه هل تسجلي مختبرات او لا: القرار الك بعتمد على ميولك ,,هل بتحبي هدا المجال؟؟والا ممكن تفكري بمجال طبي اخر كالاشعه او التغذيه السريريه
وبالنسبه للدراسه ,, ما بتختلف البرامج من دوله لاخرى
ازا بدك تفصيل اكتر عن المواد ممكن افيدك بس هلا القرار اول؟؟

حاولي تركزي افكارك,,, وبساعدك
وموفقه بالثانويه
تحياتي

اختك
دموع الشتاء
طالبه مختبرات_سنه رابعه

دموع الشتاء .. تسلمي يا رب
اكيد بحب هادا المجال وعشان هيك سألت .. انا بس حابة اعرف اكتر عنو وشو بندرس فيه وشو المواد البندرسها .. وكمان حابة اعرف عن التخصصات اللي في هادا المجال

طبعا في البدايه لما تدخلي الكليه رح تدرسي مواد عامه احياء ,كيمياء,مصطلحات طبيه,رعايه صحيه,صحه عامه ,......هيك شي
وبعدين مواد التخصص,,في مواد مشتركه بين التخصصات الطبيه متل التشريح والفسيولوجي,الكيمياء العضويه,,والحيويه,,مناعه والمصليات
وبالنسبه لمواد التحاليل بتبلش ميكروبيولجي(احياء دقيقه) وطبعا اهم شي التشخيصيه,,احياء جزيئيه,,جينات ,,طفيليات,,انسجه,,,,علم الامراض,,كيمياء سريرية,,سوائل الجسم,,اداره مختبرات,,ضبط اجوده(اعذريني يمكن الترجمه احيانا مو واضحه بس بحاول),علم الدم,بنك الدم, علم السموم, تقريبا هاي المواد وفي اضافات متطلب كليه واشياء تانيه
بس هاي الاساسيات

وموفقه
اي مساعده انا جاهزة

شكرا دموع الشتاء .. طيب بس سؤال تاني .. انو هل فيها دراسة للفيزيا كتير ؟؟ هل الفيزيا ضمن المواد .. والكيميا كمان .. انو شو اكتر فيها الاحياء او الكيميا

ابالنسبه للفيزياء حسب الخطه الدراسيه بس ل عاده ا ماده او مادتين فقط,,انا درست ماده وحده فيزياء شامله ل 1&2
والكيمياء طبعا بتدرسي مواد كتير كيمياء,,

*كيمياء عامه1&2*كيمياء تحليليه*كيمياء عضويه*كيمياء حيويه*كيمياء سريريه1&2
طبعا كل ماده مع مختبرها,, ووبالمناسبه الكيمياء حلوه كتير بس بدها متابعه بالاخص العضويه

وبالتوفيق عزيزتي