أفيدوني

زائر
السلام عليكم............

أنا خريجة تحاليل طبية جديدة يعني تقريبا الي متخرجة3 أشهر بس المشكلة اني بال3 أشهر هادي ما اشتغلت فحسيت حالي نسيت التحاليل كلها وكل ما أحاول أمسك الكتاب علشان أراجع بحس اني نسيت كل المعلومات يعني من الأخر حاسة حالي ال4 سنين ضاعو عالفاضي
شو الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
eyes1; eyes1;
 
زائر
السلام عليكم
اختي فلسطين....
اكيد متهيالك انه انتي نسيتي كل شي ...لانه لازم يضل شغلات بالذاكرة ما رح تنسيها
وكطالبة تحاليل طبية لازم يكون في مراجعة مستمرة واطلاع لانه كل يوم بيكون في جديد في الطب
ونصيحتي الك انك تتطوعي بمكان لانه الحياة العملية النا مفيدة جدا ورح تستفيدي كتير من الحالات اللي رح تمر عليكي افضل من انه تراجعي الكتب
وممكن تراجعي شغلات معينة متل الفحوصات المهمة الروتينية وكيف تفسري نتائجها
بتمنالك التوفيق ....
 
زائر
شكرا أختي زينا على النصيحة بس المشكلة انو أهلي مش موافقين اني أشتغل حتي انهم زافضين اني أخد دورات يعني قبل هيك اجتني فرصة اني اسجل بدورة بس ما رضيو
 
زائر
انا شايف انه انتى بتحتاجى للتدريب العملى لان الدراسه وحدها لاتكفى اطلاقا وطبيعى انك تحسى بانك ناسيا الدراسه اللى انتى درستيها ولكن اللى هيخليكى اخصائيه تحاليل بجد هو الشغل او بمعنى اخر التدريب الى ان تتقنى المهنه.ولا تقلقى كثيرا...
 
زائر
أنا ادربت 3 أشهر بمستشفيات مختلفة وهادا كان بعد ما خلصت دراسة بس هادا الحكي صارلو3 اشهر
صحيح كتبر بشوف شغلات وبتذكر اني اخدتها بس بالتفصيل وكيف ما بتذكر
 
زائر
انا عندي نفس مشكلتك بعد ماتخرجت بس نصيحتي الك انو تداومي بمستشفى وتمارسي عملك منشان تكسبي الخبره ولازم تكوني دوما مطالعه للكتب والانترنت ومتابعة كل شي جديد


اخوكي تميم
 
زائر
شكرا تميم عالنصيحة
ان شاء الله بحاول ألاقي شغل بس ادعولي انو أهلي يوافقو بالأول
 
زائر
يا أخت فلسطين ماشاء الله الشباب ما قصروا معك
بس انا بزيد انه ما تنسي انه كل التخصصات الطبية محتاجة مراجعة
ومش ممكن انه بعد ما تعبت كل ها لسنين تنسي كل شئ
عشان كده حاولي تراجعي وتشتغلي كمان
وغير كده انا بأشوف انه اهلك ما لهم حق يمنعوك بصراحة ومع الاعتذار سلوكهم غير متحضر
والمفروض انك تفرضي شخصيتك عليهم لانه انا باشوف انه الغلط منك لانك استسلمتي مش منهم
ودعواتي بالتوفيق
 
زائر
شكر لك jy4205 على اهتمامك بمشكلتي
وشكرا لكل الأعضاء
و أنا بقترح أنو نراجع مواد التحاليل الطبية فمثلا أسبوع نراجع المناعة و أسبوع تاني علم الدم وأسبوع تالت الكيمياء العضوية وهيك لحتي نخلص كل المواد وبهيك بنكون كلنا استفدنا
شو رأيكم ؟؟؟؟؟؟؟؟؟
بس المشكلة انا مش عارفة من نبدا دلوني
 
زائر
طيب اختي فلسطين انا أظن انك تسمعي كلام الأهل أفضل من انك تشتغلي بس مو أفضل من الناحية العملية لكن يعني ......
وانت اذا وانت جالسة بالبيت بقيتي على مطالعة للكتب والمواضيع الطبية والمخبرية وتفسير النتائج اكيد حتكوني مفيدة لأهلك ولأصدقائك لأنو انا من خبرتي العملية المتواضعة شفت انو كثيييير من الناس لا يعرفون قراءة التحاليل لمرضاهم واكيد انتي راح تنسألي مع الأيام عن نتيجة تحليل لأحد أقربائك او جيرانك وساعتها تكوني عرفانة تقرأيه بالشكل الصحيح وإذا يلزمك شي ترى لحنا ان شاء الله ما منقصر
وألله يكتب لك الخير ولجميع المسلمين.......
 
زائر
شكرا اخي سوبر مخبري على اهتمامك بمشكلتي
 
زائر
لا بد من التدرب او التطوع

اختي الكريمه مشكلتك سهله وكل ما تحتاجين له هو بقاء الأتصال مع زميلاتك ونحن عندنا بفلسطين مشاريع بطاله كثيرة يمكن لكي ان تسجلي بها حتي يتسني لكي بعد ذلك العمل.
علي اية حال انا استطيع مساعدتك من خالا موقعي الوظيفي في هذة المهنة سواء مساعدتك في الدورات او العمل في البطله.
وشكرا
ابو سليم
 
زائر
شكرا اخي ابو سليم انا فعلا سجلت بالبطالة وهادا طبعا بعد ما اقنعت اهلي فيها والحمد لله
بس ادعيلي انها تطلعلي
 
زائر
ما شاء الله عليك
تخصص جداً رائع
وأنصحك أنك تشتغلي حتى لو تتطوعي لان زي ما قالو الشباب أنا القسم العملي أهم من النضري بكثير.
وبالتوفيق أنشااااااااااااء الله