ادخلوا وساعدوووني تكفووون..

بسم الله الرحمن الرحيم...

السلام عليكم ورحمة الله وبركاته
كيفكم شباب ان شاء بخير
انا ابغى منكم المساعدة وان شاء الله انكم قدها


انا ياشباب ثاني ثانوي والى الآن ماحددت مستقبلي وهاذي مشكلة وانا محتار اروح الطب البشري ولا لا وانا من النوع اللي مايذاكر الا اذا بكره اختبار وبغيت اسئل كم النسبة المطلوبة في الثانوية يعني المعدل التراكمي وكم المطلووب في القدرات انا ارغب المجال لاكن يحتاج مذاكرة على طوول الجواب عندكم تكفووون ردو...


شاكر ومقدر لكل من شاهد الموضوع...

وعليكم السلام ورحمة الله وبركاته

نعم المجال يحتاج الى مذاكره اول باول وحظور للمحاظرات وتسجيلها وتدوين الملاحظات وماالى ذالك
والاهتمام باللغة الانجليزية
اما بالنسبة فلا اذكر كم يجب ان تكون ولكنها فوق ال90
والقدرات والتحصيلي اعتقد ايضا فوق ال85
والله اعلم

السلام عليكم.. اممم أنا بعد ناوية أدرس طب بس اللي عرفته عن هالتخصص إنه يحتاج للمذاكرة أول بأول ولازم تكون من اللي يحبون الدراسة يعني مافي ملل لازم إتابع، وبعد لازم تكون عندك قدرة على الحفظ، وشي يمكن ما تعرفه إن طلبة الطب ماعندهم شي اسمه حياة اجتماعية دراسة في دراسة فإذا كنت حاب الطب من قلبببب انزين واذا كنت تبي تدخل وتصير طبيب لأنك فعلاً حاب هالشغلة توكل على الله، ولا إذا كنت تبي تدخل علشان بس معدلك عالي ولا علشان اللقب ما أنصحك..
القبول في كلية الطب من 90% بس.. كلام فاضي في أغلب الكليات لازم يكون معلك فوووووق يالله تحصل لك قبول، وهذي بالنسبة لنا احنا اهني بالبحرين ما أدري عن الباقي..
اللله يوفقك انشاءالله ويوفق الجميع..
تقبل تحياتي