استفسار حول دراسة الطب

اهلا وسهلا بأخونا الكريم
انا راح أجاوبك على سؤالك قد ما بقدر
شووف اخي
أولا انت قبل ما تسألنا هاي الأسئله .... انا بدي أسألك سؤال
وهو انت ليش حاب تدخل طب؟؟؟؟
فكر منييح قبل ما تجاوبني... وجاوب بدقه مع اعطاء السبب او الاسباب الرئيسية ومين اهم واحد فيها
شوووف اخي الكريم
هلا الطب بده قبل كل شي رغبة فيه.... اذا كنت حاب ما تتغلب كتييير
مع انه بامكان اللي ما عنده رغبه يدخله.... ويمكن يمشي فيه ..بس راح يضل نفسيا تعبان وما راح يحس بأي متعه بدراسة الطب... وهاي المده مو قليله..يعني راح تأثر على كل مجرى حياته
ثانيا:
اكيد مو اي شخص يقدر للطب... عشان هيك ما يخلوا اي حد يدخله غير المميزين واللي حصلوا على تحصيل عالي ... مش عشانه صعب..لا لا...بس لأنه الطبيب مسؤول عن حياة بشر... وهاي مسؤوليه كبيرة ... وتحتاج لناس قدها....
هلا شووف اخونا الغالي.... انت اذا كنت حاب الطب عنجد ... ما رح يصعب عليك شي
بعدين انت ما قلتلنا انت هلا اي صف.... ولا كيف مستوواك بكم ماده علميه.. ولأي ماده تميل أكتر من غيرها... وبأي بلد حاب تدرس لو صحلك...
بالنسبه للأشياء اللي يتطلبها الطب .. بعد الرغبه....هي القدرة على الصبر...
يعني لو انت من الناس اللي ما يقدروا يتحملوا يستمروا بالدراسه لمدة 5 ساعات متواصله على الاقل.... مع كم دقيقه استراحه... يعني اذا كنت بتحب الطلعات والمواشير كتيير... وما تتحمل تضلك قاعد تدرس فهاي مشكله كبيره
الشي الاخر وهو مستوى من المعلومات العلميه اللي لازمتك كأساس للطب... واساسها هو مادة الاحياء خاصه اللي بتخص جسم الانسان ... ومعلومات اساسية في الكيمياء... والفيزياء بدرجه أقل
بالنسبه للانجليزي... شووف أخووي ... مشكلتك مش هي اللي راح تكون عائق لدخوول الطب...
لأنه هاي المشكله بتنحل... والمفرووض اذا انت حاط ببالك من زمان تدخل طب... تكون تغلبت عليها.. او قللتها كتير... يعني لو حاولت ترفع مستوااك فيه من 20 الى 60 بالمئه قبل ما تدخل الكليه
فان شاء الله تمشي اموورك... بس لانك راح ترفع مستوااك في اثناء دراستك... واكيد
راح تتغلب شوي وراح تتعب اكتر من غييرك.. لأنه دراسة الطب تحتاج منك لفهم الجمل الانجليزيه...وخاصه تخليها ما تاخد معك وقت كبير... وبالنسبة للمعاني لا تقلق
لانه معظم المعاني اللي تلزمك كطبيب تاخدها في الطب مش قبل... بس اكيد كمان تحتاج للمعاني والافعال الرئيسية في اللغه الانجليزيه اللي تخليك تفهم الجمل... وعلى جميع الاحوال مشكلة المعاني تنحل بانك تضلك حاط القاموس امامك وتجيب دفتر خاص بالمعاني ..
وكل معنى تحتاجه تحطه بالدفتر... واخر الاسبوع تحفظ هالمعاني اللي يطلعو معك
وهييك بس فصل فصلين بالجامعه وراح تصير عندك حصيله لا بأس بها

انا طولت عليك بكلامي....
بس في النهايه... انت راجع نفسك... وراجع همتك وعزيمتك... اذا كنت من اصحاب الهمم العاليه والناس اللي ما يخلو شي يوقف بطريق تحقيق اللي بدهم اياه .... فاعقد النيه وتوكل على الله
ثم خذ بأسباب النجاح....
هاد كل اللي عندي ... انت تواصل معنا اكتر وخبرنا تفاصيل اكتر
وان شاء الله ما نقصر معاك
تحياتي ...
اسراء

بسم الله الرحمن الرحيم مش هازيد كتير عن كلام دكتورة اسراء ...بس بجد الطب عايز انك تعشقه وتدخله عن اقتناع تام منك ورغبة اكيدة وتكون حاسس من جواك انك تقدر تكون اده مش قصدى بكلامى اصعب الموضوع عليك بس اخى..... انت هتقضى وقت طويل بدراسته عشان كدة لازم تكون مقتنع من جواك وبصلتك بربك وتوكلك عليه ثم بعزيمتك واراتك باذن الله هتلاقى الطب ممتع ...لان بجد دراسة الطب ممتعة جدا...............واللغة مش عائق كبير بالنسبة لاصرارك ولو عايز تتعلم هتتعلم....صدقنى عزيمة+اصرار+تعب=نجاح ومن طلب العلا سهر الليالى المهم تسال نفسك ........هل انا فعلا عايز ادرس طب ولاقى نفسى فيه؟؟؟

اخويkha1397
بالنسبة لسؤالك عن صعوبة الدراسة ماراح اقدر اجاوبك لاني لسه في سنة اولى
بس بالنسبة للغة لازم تعرف ثم تعرف انها ماراح تكون مشكلة ع الاطلاق بالعكس انت لما تشوف نفسك موفاهم شي راح تشد حيلك وتضاعف جهدك وبتطلع بنتيجة اكيد حلوة
انا اشوف الطالبات الي معي واحنا في سنة اولى (سنة تحضيرية)وكل شي دارسينه في ثانوي وموادنا سهلة بس باالانجليزي والمتوقع ان الطلاب الي انجليزيتهم قوية هم الي ياخذون الفل ماركز بس مو هذا الي يصير, والي ياخذون درجات حلوة هم الفاهمين بغض النظر عن مستوى لغتهم

فشد حيلك ولا تشغل نفسك بهم اللغة ولاتوهم نفسك ان الدراسة راح تكون صعبة

بالتوفيق

السلام عليكم ورحمة الله وبركاته ،،

أولا بالطبع دراسة الطب صعبة ولكن هي ليست بمستحيلة خصوصا للناس اللي يتوفر عندهم الهدف والصبر والمثابرة ،،،
ثانياً بالنسبة للغة انا حاسة انه النسبة اللي اعطيتها لنفسك (20%) قليلة مقارنة بقدراتك الحقيقية،، يعني انا مش فاهمة هاي الpeentage كيف حطيتها وانا واثقة انه انجليزيتك بإذن الله افضل بكثير،،
صدقني والله انا حاليا بسنة ثانية طب بس لحد الان ما اعرف احط نسبة معينة لنفسي في اللغة الانجليزية ،،
اول مادخلنا طب كان معانا مجموعة كبيرة Engish Speakes ،، وكنا كلنا نفكرهم هما هيكونوا الاوئل على الدفعة بطبيعة انه هما بيحكوا الانجليزية بطلاقة،،
ولكن مع الايام لاقينا انه حالنا مثل حالهم وفرصتنا مثل فرصتهم بالضبط وفعلا الاوائل عدنا عرب دائما،،
فلاتتردد ولاتنسى أهم شي صلاااااة الاستخارة ،،

تمنياتي لك بالتوفيق الدائما اخوي،،،

السلام عليكم ..


حياك الله معانا في الملتقى ..

أول شي أشكر الدكتور اسرااء والدكتورة نورا والدكتورة فاطمة .. والدكتورة بنت الموصل على ردوودهم .. وكلامهم الطيب .. والمشجع ..

أخووي باقول لك .. الطب مو صعب .. بس طووويل ..

يعني كل شي فيه سهل تقريبا ... بس طويل محتااج عمر منك ..


هذه أول نقطة .

ثاني نقطة .. مثل ما قالت الدكتورة اسراء .. انت تحب الطب ولا لا ... ..؟

لو أنت تحبه وتحلم تصير دكتور .. تووكل على الله وادخل ها الكلية ..

بس لو انت دخلت علشاان الأهل .. فكر ومثل ما قالت الدكتورة بنت الموصل .. صلي استخااارة ... وشووف شو اللي تحبه وتقدر تبدع فيه ..


الانجليزي صحيح مسااعد .. بس تقدر تتغلب على ها المشكلة . سواء بدورات خارجية .. أو أنت تقووي نفسك ..



الله يوفقك يارب...


تحياتي

عاصم

و الله في سؤالك قلبت الذكريات الي جالس تسأل عنه أكيد كل طالب أو غالبية طلاب الطب سألوا عليه أنا من ناحيتي سألت عمي لانه استشاري و مدير مستشفى سألته لكي يعطيني من خبرته قال لي كلمه وفرت علي الكثير من الاسئله
قال لي
دراسة الطب صعبه وليست مستحيله اذا كنت رغبان لها
اما بالنسبه لمكلة الانجليزي حتعاني منه في الأيام الأولى فقط ولكن مع مرور الوقت حتتردد الكلمات على مسامعك و تتسهل الأمور باذن الله
وأنصحك بصلاة الاستخاره

اهلين اخووي خالد
الله يوفقك ياارب
وييسر عليك جميع أموورك
كلام عمك مزبوط اكيد
وانت سألت واستشرت
هلا القرار بيرجع الك
بالتوفيق

اهلا وسهلا بك اخي في منتدانا الراااااائع
ماشاء الله ردود اطباء المستقبل حلوة ومشجعة وما خلوا شي ينحكي وباشكرهم كتير
بس بحب احكيلك اخي انه مافي شي اسمه صعب كل شي مع الاجتهاد والاصرار بصير سهل ولحتى تدخل كلية الطب لازم اول شي تكون هاي رغبتك مو رغبة اهلك متل بعض الناس ولا رغبة في اللقب تاني شي حبك لكلية الطب مو كفاية لانه بيلزمك مقومات تانية لحتى تنجح وتتميز في هالكلية العظيمة لانه متل ما حكوا الاخوة قبلي انه حياة البشر رح تكون بين ايديك يعني مو لعبة وحكاية الانجليزي ضرورية لكن مقدور عليها لو اخدت كورسات انجليزي لتقوي مستواك
وبالتوفيق يارب biggin1;

العفو دكتور خالد لا شكر على واجب اعضاء المنتدى كلهم فى خدمتك لو احتجت اى استفسار او مساعدة مش هيتاخروا عنكويا رب نكون قدرنا نساعدك ....واى شئ يا اخى يدور فى بالك وبدك تستفسر عنه متترددشانشاءالله هتلاقينا فى خدمتك وهنساعدك على اد خبرتنا ...وما شاء الله فى المنتدى اهل خبرة ومعرفة هيفيدوك باراءهم وتجاربهم فى مجال الطبتمنياتى بالتوفيق يـــــــــا رب

الحمد لله أخووي انا قدرنا نفيدك
وهاي افضل شكر النا..انا نكون قدمنالك ولو جزء بسيط من المساعده
حتى لو نفسيا شجعناك فقط..فهاد بفرحنا والله
لا اخووي اسأل كل اللي في بالك
وما تخبي علينا شي
ترى احنا متل اخواتك واخوانك وما بدنا غير مصلحتك
ومنيح كتير انك بتاخد دورة انجليزي
خلص تقريبا ما ضل عليك شي
انجليزي وانحل...وما دام الحب والاصرار موجودين
فاشكر ربك مليون مره
وانا اتوقع انك تبدع ما دام نفسك تدخلوا ومستعد تصبر
بالنسبه للكتب
مش عارفه شو اقلك
يعني اذا دخلت جامعه بمصر..فاتوقع مناهجهم منيحه كتير
يعني بمعظم الجامعات في مصر
خاصه العلوم والتكنولوجيا
يعني ما فهمت ليش بدك تدرس هلا؟
اساسيات توجيهي اكيد حتكون اخدتها بالمنهاج المقرر
ومواد الجامعه تبلش فيها لما تدخل
انا شايفه اذا انت كنت شاطر وحصلت منيح بالمدرسه
فخلااص لا تخاف من دراسة الجامعه
دراستها تجي معاها...واحسن شي يكون بوقته
الا اذا حسيت حالك ضعيف شوي..حتى هاي مو مشكله كبيره
لانه متل ما قلتلك يكررولك الاشياء الرئيسيه في سنه اولى
وغالبا هي الاشياء بس اللي تلزمك كطبيب
انا ما عندي غير اسماء كتب طبيه مو اساسيات
يعني مش عارفه كيف اساعدك
على كل الاحوال اتمنالك التوفيق من كل قلبي
تحياتي

شو دكتورنا الصغير الهيئة انك متشجع كتييرin14; الله يوفقك يارب بس ما في داعي تربك نفسك وتشغلها من هلأ ، يعني انا معك لازم تقرا وتبحث لحتى تنمي قدراتك وتزيد معلوماتك الطبية haate00248; بس خلي في بالك انه اول معلومة بتحصل عليها هي الي بترسخ بدماغك حتى لو غلط وهيك رح يكون من الصعب عليك تصحيحها مشان هيك لازم تكون مراجعك موثوق فيها كتير يعني مو حيا الله مرجع
انا بانصحك بكتاب خاص لمادة التشريح هو بصراحة اكثر من راااااائع انا باستفيد منه كتير ودايما باعتبر انه مادة التشريح هي مادة لرفع الدرجات لانها سهلة بعون الله وبعون هالكتاب الرائع ، الكتاب بيغنيك انك تشوف بالمشرحة بس لازم تحاول تشوف بالمشرحة مو تطنش بس هاد الكتاب بوضحلك كل شي اسم الكتاب ( Gant's Atas f Anatmy) وهو مشهور كتير المؤلف بروفيسور اجنبي ، على فكرة دايما باحصل على الامتياز في التشريح الحمدلله بفضل الله وبمساعدة هاد الكتاب ، اما بالنسبة لباقي المواد فانا ما بعرف مراجع الهم لانه ما باستخدم المراجع غير بالانتومي.
نصيحتي الك دكتور خالد انه تستمتع بكل لحظة في الجامعة يعني الطب مو يعني نكد واكتئاب بالعكس كلية ممتعة ورح تكون بتضحك وبتمزح على طول باذن الله يعني ما تستمع كلام من هون ومن هون وتخليه يأثر على معنوياتك بدي منك تظل هيك عزيمتك قوية وارادتك صلبةin14; لحتى تتخرج وتكون اشطر دكتور بالعالمhaate00112; .
تحياتي لك وامنياتي لك بالتوفيقbiggin1;

انا ادرس اولى ثانوي اريد ان اصبح طبيب واريد ان اسال عن احسن شعبة لدراسة الطب و هل دراسة الطب اصعب على طلاب شعبة رياضيات و هل دراسة الطب يتطلب دراسة العلوم التجريبية, اريد رد سريع و بارك الله في الجميع