استفسار عن اندرال 10

لو سمحتم عايزة اسأل عن برشان اندرال 10
انا عندي نبضات القلب سريعه شوية مش دايما
بس بعد ماباكل او اشرب حاجة سخنة بحسها زادت اوىى لدرجة ان بتخلي صدري ينتفض وتخليني احس بوجع فى الصدر
وعملت تحليل دم لتكون بسبب الانيميا لقيت الانيما ولاول مرة مظبوطة جدا 12 رغم انها دايما مش بتزيد عن 10 عندي بقالها كذا سنة
ومن حوالي 3 سنين كنت عاملة رسم قلب وكان تمام جدا ( كان ساعتها بيجيلي زي وجع جامد فى الصدر وضيق تنفس ونبضات زيادة ) وطلع مفيش حاجة
ومعلومة انا لما كان عندي 14 سنة خدت برشام حساسية جرعه زيادة وتعبت اوى واتعمل غسيل معدة .... فهل ممكن يكون ده السبب فى زيادة النبضات دلوقتى .. انا عندي 21 سنة حاليا

وبصراحه مردتش اكشف عند دكتور قلب واعمل رسم قلب تانى وادخل فى متاهات
فسألت دكتور صيدلي وقالى اندرال 10 كويس هيظبطلك النبضات بس هي مرة فى اليوم لما احس انها عليت

بس لما خدته حسيته مخلي دماغي مش مظبوطة ومش موزونة كده وخلانى نايمة علي نفسى خالص
مش عارفة بسببه ولا ايه ؟
فكنت عايزة اعرف هل هو كويس فعلا وايه اعراضه الجانبية

أظن أن حالتك لن تتعدى الضعف العام (نقص الفيتامينات) أو اضطرابات الحالة النفسية
ولكن من الضروري استشارة طبيب امراض قلبية للاطمئنان ولا تقلقي ليس هناك متاهات فالامر لن يتعدى الكشف أوعلى الاكثر رسم القلب والاشعة التليفزيزنية ان احتجتي لهما وكلها تجري في العيادة في زيارة واحدة واعتقد أن كلها في النهاية ستكون سليمة
أما بالنسبة للاندرال فلا انصحك باستخدامه لان له اعراض جانبية وله ايضا تأثير على العديد من أجهزة الجسم الاخرى غير القلب. وايضا نحن لا نعرف كم يصل معدل النبض لديك وهل هو منتظم أم لا
وهناك الان الكثير من الادوية الحديثة التي تؤدي مفعول افضل وليس لها هذه الاعراض الجانبية ولا تؤثر الا على القلب فقط وليس لها تأثير على باقي اعضاء الجسم (مثل الكونكور وغيره) ولكن أدوية القلب عموما لا يفضل استخدامها بدون رأي الطبيب المختص لما لها من تأثيرات على الكثير من أجهزة الجسم
أما بالنسبة لدواء الحساسية فليس له علاقة بالموضوع
اطمئني وحاولي الابتعاد عن التوتر ويمكنك تناول بعض الفيتامينات المتعددة لتقوية الحالة العامة لديك واستشيري الطبيب المختص للاطمئنان ولا داعي للقلق.