دكتورة رهان : من عينى حاضر
دكتور عاصم: لا تستعجل مافى أسرع من الأيام .
بصراحة طلب منى الدكتور (المدير الطبى) فى المستشفى اللى تقدمت لها إنى أحضر أسبوعين تدريب, وفى الأيام دى عرفت إيه هى مهام طبيب الدور
فى البداية المستشفى الخاص ليس أقسام (جراحة , باطنة ,أطفال,....)ولكن أدوار ,أى حالة بتدخل على أى دور , وأى حجرة فارغة , واللى بيعالج الحالة أستاذ دكتور , واللى بيتابعها النايب بتاعه , ولو فى أى مشكلة النايب بيبلغ الدكتور الكبير
فين طبيب الدور؟!!!
طبيب الدور ..دكتور لسه مأخدش درجة الماجستير , يعنى رسمى ليس أخصائى ,
مهمته متابعة الحالات باستمرار , ومتابعة عمل التمريض ,كالتالى:
* أخذ شيت الحالة فور دخولها
* إذا كان دكتور بعتها على المستشفى , يتم الاتصال بيه وتبليغه بوصول الحالة إلى غرفة رقم.., والاستفسار عن أى تحاليل أو علاج مطلوب للحالة
* إبلاغ الطبيب المعالج بنتيجة التحاليل أو الأشعة فور ظهورها
* الاستفسار عن موعد العملية (إن كان فى عملية)و التأكد من تحضير المريض قبل الموعد بنصف ساعة( شغل التمريض نتأكد منه)
* المرور على الحالات كل 4 ساعات ومتابعة الضغط والنبض والحرارة
* فى حالات ما بعد العملية يتم متابعة المريض كل ساعة لمدة 4 ساعات
* التأكد من صرف العلاج للمريض فى موعده
* التأكد من قياس السكر فى موعده لمرضى السكر , وصرف علاج لهم إذا كان مرتفع
* حساب السوائل الخارجة والداخلة فى حالات الدرانق ,والأسترة , و نقل دم أو بلازما للمريض .
ده اللى حاضر فى ذهنى حاليا