الاغماء المفاجئ مع انيميا

بدأت مشكلتي قبل ٣ أشهر، وهي دوخه مفاجئه وتخبط في الذهن والتركيز وتشوش في الرؤيه وضربات قلب سريعه ومبقاش قادره اكمل طريقي. اول تاني تالت مره الموضوع لما حصل مهتمش وقلت عارض وهيعدي بس للاسف النوبات مش بتنتهي.
قررت المتابعه بعد ما نوبتين حصلوا تعرضت فيها للاغماء، مره منهم في الاسعاف قالولي الضغط ارتفع.
بدات متابعه بعد الموضوع ده
وعملت تحليل الدم كان في انيما وبالفعل استخدمت الحديد بعدها بشهرين كان ظبط لما عدت التحليل
ارتحت اسبوعين تقريبا مع استخدام الحديد وفكرت الموضوع انتهي بس للاسف النوبات رجعت تاني .
عملت تحليل لفيتامين A طلع 47 في الطبيعي.
روحت لطبيب عيون انا عموما بلبس نظاره بس كان الكشف سليم مفيش تغير في النظر وضغط العين مظبوط.
وجهني طبيب العيون لمخ واعصاب عملت رنين ورسم مخ وطلع مظبوط.
روحت للطوارئ بعد ما حصلت نوبه شديده وانا في الشارع وجهوني لانف واذن وطلع مظبوط بس كتبلي علي علاج للاتزان .

الجامعه كانت طلبت مني تقرير طبي للتدريب من ضمنه فحص للرئه وطلع ان في توسع خفيف بالاورطي.
الحقيقه انا قررت مروحش تاني لاي طبيب ولا اتابع واتأقلم، مبحاولش افكر خالص بس الموضوع مش بايدي انا بكون كويسه وفجأه التعب بيحصل