الكلف اي التصبغات الجلديه في الوجه

هلا وغلا بالجميع انا عضوه جديده في منتداكم وارجو انكم ماتخيبون ظني فيكم انا أعاني بكل ماتعنيه هذه الكلمه من الكلف اي التصبغات الجلديه في الوجه مع العلم اني رحت لكتورة جلديه مشهوره بس زادت الوضع سوء تكفون ساعدوني مع العلم اني حليوه بس ماشوهني غير ذا الكلف الله يزيله ساعدوني فعلآ تعقدت نفسيتي؟

السلام عليكم اختي الكريمة

الكلف يظهر غالبا في النساء الحوامل والنساء اللاتي يتناولون حبوب منع الحمل ...
مشكلة الكلف انه علاجة في اغلب الاحيان صعب ويحتاج الى وقت طويل ... قبل ان اعطيكي خيارات العلاج .. ممكن تجاوبيني على الاسئلة الاتية؟

كم لكي تعاني من هذي المشكلة؟
في اي الاماكن موجودة البقع؟
ماهوا العلاج الذي استخدمتيه ؟
هل عملتي اي نوع من انواع التقشير او الليزر؟

وشكرا

الف شكر على مرورك دكتور وما تخيل شكثر كانت فرحتي لمل شفت ردك على موضوعي؟
بالنسبه لاجاباتي على تسائولاتك فهى كالتالي.
1-انا ماجاني الكلف الابعد ولادتي بنتي الثانيه مع العلم اني لما كنت حامل باخوها كانت بشرتي صافيه بس الفتره اللي بينهم ماكنت اخذ حبوب منع الحمل وجلست 9سنين ولدت بنتي وصرت اكل حبوب مانع .
2-يوجد الكلف على منطقة الخدين فقط.
3-دكتورة الجلديه اللي رحت لها ركبت لي خلطتين وحده للتبييض والثانيه مقشروماتتخيل شكثر قشرت بشرتي بس لما خلص العلاج أزادالامر سوء وكنت ناوحيه اروح أعطيها كم كف على وجهها بس أهل الخير منعوني ههههههه بصراحه مقهوره شفطت فلوسي ولا أفاددتني؟
4-دكتور أنا ماسويت لاتقشير ولا ليزر بالنسبه للتقشير بس اللي وصفت لي الكتوره.
الله يخليك دكتور ساعدني وماراح أنسى لك الخدمه طول عمري نفسيتى زفت منه بس ودي أسألك انت دكتور فعلآ ولا تمزح معليش بدون زعل لاني مابي افرح بعدين انصدم انك مو دكتور هههههههههه؟

والله ماشفت مثل دكتورة بمركز بنان بالتخصصي اسمها وفاء حمزاوي انا كنت اعاني اكثر منك والحمدلله راح

الاخت الكريمة
انا اخصائي امراض جلدية
الكلف مشكلته انه يختلف من شخص .. شخص ممكن يتعالج بسهولة وشخص بيكون علاجه صعب .. انا اقولك ذا الكلام عشان ما تتوقعي انه فيه علاج ساحر
الي انصح بيه الاتي
1- وقفي حبوب منع الحمل
2- استخدمي الكريمات الواقية للشمس لو كنتي من النوع الي تكشفي وجهك في الشمس ... لانه الشمس لها تاثير في زيادة النمش
3- افضل كريم لمعالجة النمش اسمه ( Ti ma) هذا الكريم هوا افضل شي يستخدم في امريكا تكويناته ( هيدروكوينون - مبييض + فيتامين أ - مقشر + كورتيسون - للالتهاب )
لكن المهم انك تاخذي اسمه وتروحي عند اخصائي او اخصائية جلدية وتخليه هوا المشرف على علاجك عشان ما يصير نفس الشي الي صار اول وما افضل انك تاخذيه لحالك

اخر شي احب اكرره انهلا تتوقعي انه النمش يختفي بين يوم وليله .. لكن تحتاجي علاج لمدة 3 شهور واذا استفدتي منه وقفيه ثلاث شهور وارجعي كورس تاني ثلاثة شهور

والشكر الجزيل للاخت لينا لارشادها لكي على دكتورة كويسة ومجربة

ادعولي

اولأ الف شكر لك يادكتور بس اللي عندي مو نمش اصلن انا عارفه والجميع يعرف انو النمش لايمكن يروح انا اللي عندي كلف بقعتين متوسطات الحجم على منطقة الخدين والكريم اللي كتبته لي يطول لانو انا ابي ابدى قبل العطله ابي شي سريع مفعوله وانا مااكشف وجهي في الشمس حجابي عزتي؟
الف شكر اختي الغاليه علي افادتك لي؟

الاخت وردة بلادي

انا اسف لانه كان قصدي اكتب كلف وغلطت وكتبت نمش ..

مشكلة الكلف انه علاجة يطول ويحتاج صبر ..

لكن اذا كان عندك قدرة مادية ممكن تجربي جلسات الليزر وبين الجلسات تستخدمي التقشير ... لكن احب اركز انه العلاج لازم يكون تحت اشراف اخصائي في الليزر والتقشير وتقدري تزوري اقرب مركز ليزر لكي وتستفسري عن التكاليف

لكن احب اقولك انه الكريم الي كتبتلك هوا .. اكثر علاج للكلف يستخدم في امريكا

اتمنى ان اكون قد افدتك ولا تترددي لو عندك اي سوال في المستقبل

وشكرا

انا اتفهم التاثير النفسي بسبب الكلف في الوجه ..