اللي صار لها مثلي شسوت وشصار

عندي استفسار ياليت تفيدوني فيه واللي صار لها مثلي ياليت تجاوبني وتقولي وش سوت
انا المفروض هاليوم الدوره تنزل ومانزلت وسويت اختبار حمل ومافي حمل
وسبب استفساري هو ان عمري ماصار لي ان يجي موعد الدوره وماتنزل وبنفس الوقت مو حامل ولا مسويه مانع
وعندي اعراض الام اسفل الظهر والبطن واكثر شي في البطن بتقولون لي اعراض دوره بقولكم لا لأن الاعراض غير
وغير ان اعراض الدوره جاتني بعد مانظفت من الدوره الأخيره بـ 15 يوم وحسيت بأعراض الدوره اللي دايماً احس فيها وهي آلام اسفل الظهر والافخاذ واسفل البطن ( باستثناء صداع قبل الدوره ماجاني ) واستغربت ان بدري عليها الدوره بس قلت يمكن هالمره راح تنزل بدري كثييييييييييير
وبنفس الوقت حسيت بلوعه قلت يمكن بسبب اعراض الدوره والالم استمر لمدة اسبوع اعراض دوره قويه ماقدرت اتحمها واضطريت آخذ حبوب مسكنه ( أدول ) علشان يخف الالم واقدر انام لانه كان الم مايطاق وعادة ماخذ شي لآلام الدوره لاني اقدر اتحملها ولأن مدتها يومين قبل الدوره بس هالمره غييييير ( يعني شوي واصيح ) خاصه وانها طولت الآلام اكثر من اسبوع وعلشان اخفف الألم ظليت أحط المطاره ( جربة الماي الحار ) على اسفل بطني وكانت تريحني
وبنفس الوقت قلت بساعد الدوره تنزل يعني طلعات وركض وشيل وركبت الالعاب في الملاهي مع العيال علشان اذا بتنزل بعجل فيها ولا هالتعب ..... بس مانزلت !! (مع انه يعتبر شي طبيعي ماتنزل الدوره لانه مو وقتها تنزل بس اللي ماكان طبيعي هي الالام القويه ولمدة طويله ومبكره عن وقتها بكثير)
وبعد اكثر من اسبوع انتهت اعراض الدوره القويه وصار مغص اسفل البطن قلت اوكي بتنزل مع انه للحين مو وقتها بس خمنت انها بتنزل قبل وقتها بـ 8 ايام لان احيانا دورتي تنزل قبل الموعد بـ 3 أو 4 ايام بس آخر مره نزلت قبل الموعد بـ 6 ايام فقلت يمكن هالمره بتنزل بدري
ونمت مع زوجي علشان تنزل الدوره وتوقعتها بتنزل لان المعاشره وقت الدوره تنزلها بسرعه
بس مانزلت ...!!
واليوم المفروض تنزل الدوره وعمره ماصار لي يجي موعد الدوره وماتنزل
واللحين ماعندي اي اعراض للدوره.... بتقولون حامل بعد ماعندي اي اعراض للحمل
بتقولون سوي تحليل حمل سويت اليوم وطلع سلبي وانا عادة من سنين طبعا قبل اركب اللولب من اول يوم مفروض تنزل الدوره ومانزلت أسوي فحص حمل بالبول في البيت ويبين الخط الثاني على طول حتى لو خفيف وهالمره مابين مع اني سويته الصبح بعكس قبل كنت اسويه اي وقت ويبين

فهل في حد صار لها هالشي ونزلت عليها الدوره والا لازم تنزلها والا صار حمل
افيدوني يا عزيزاتي

الله يكون فى عونك انا مجربه والله وحسه بيكى
وجربى اختبار الحمل تانى وان شاء الله تكونى حامل
اختى كانت زيك كده بس الحمد لله طلعت حامل يارب يثبتهلها يارب
لان ممكن اعراض الدوره تكون اعراض حمل ويارب يرزقك والجميع ان شاء الله

الله اعلم حمل
كونها اول مرة تتاخر عليكي وفعلا بدري على اعراض الحمل
وممكن ما يبين من اول يوم الخط الثاني اعمليه بكره وانتظري 5 دقايق عالتحليل لين تتاكدي انو ما ظهر حتى لو خفيف لان الخط الخفيف الله اعلم حامل

انت استني كمان يومين وسوي تحليل حمل
انا لما كنت حامل كانت تجيني نفس اعراض والام الدورة لكن تيجي وتمشي مو باستمرار
ان شاء الله تطلعين حامل وتدعي معانا

جزاك الله كل خير اختي كيوي على الرد
واشكرج كثير لان ردج ريحني وطمني
وحالياً آلام اسفل البطن والظهر مضايقتني ماقدر اوقف حتى الجلوس موقادره اقعد خمس دقايق ولازم اغير وضعيتي من الالم
واذا انسدحت على ظهري ارتاح او اذا مشيت ارتاح
احيانا اتحرك واطلع الدرج وانزل بس علشان اخفف الالم
واحيانا اشرب ماي اظن انه الام اسفل البطن بسبب نقص الماي ( مع ان البول عندي لونه وكميته طبيعيه)
والنتيجه اروح الحمام كثير ... كفايه البرد يخلي الواحده كل شوي تروح الحمام!!
خلاص انا راح انتظر ياتنزل يا اسوي تحليل في البيت مره ثانيه
والله يثبت حمل اختج ويرزقها الذريه الصالحه
ويارب يرزق الجميع

اختي asa
ايه فعلا اول مره تتاخر بالعاده انها تجدم 4 ايام واخر مره بس 6 ايام جات قبل وقتها
وعمرها ماتاخرت عن وقتها كلش
وبكره بيكون ثاني يوم تتأخر علي الدوره بيبين لو فيه حمل والا انتظر كم يوم بعد
وشاكره لج ردج

عزيزتي fz30
اعراض الدوره انا عارفتها ممكن تجي الاعراض بس ماتنزل الدوره ويكون حمل
لكن انا جاتني اعراض الدوره لمده طويله ومؤلمه كثير وقبل وقتها يعني تقريبا بعد فترة الاباضه بـ 8 أو 9 ايام وتوقعت انها تنزل
بس بعد اكثر من اسبوع اختفت اعراض الدوره وصار الم اسفل البطن والظهر وملازميييين لي
ومايختفون الا اذا كنت نايمه على السرير
وانا خلاص راح انتظر يومين واحلل
والله يرزقج وجميع خواتي بالذرية الصالحه ان شاء الله

اليوم الثالث من تأخر الدوره
وسويت اليوم اختبار البول في البيت للمره الثانيه والنتيجه :
؟
؟
؟
؟
سلبيه !!! Ppe_Pis_nfse

المشكله بكره عندي موعد ولدي اسنان وبيسوي اشعه وبكون معاه
ومادري اذا كنت حامل ولا لا ؟؟
اختبار البيت مبين مو حامل مع انها اول مره بحياتي تتأخر الدوره
وبنفس الوقت اول مره اسوي فحص اختبار في البيت لاول يوم تتأخر الدوره وماتكون النتيجه ايجابيه
انا مادري اذا كان اللولب يخلي النتيجه تتغير او اذا كان السبب شي ثاني
في الاخير انا قررت ان شاء الله اسوي تلفزيون بالامواج الصوتيه اشوف شسالفه واكون على بينه
ادعوا لي ان الله يكتب اللي فيه الخير لي وان كنت حامل يبين لي ويثبته لي

حبيبتي انا اسمع بنات كثير يسون التحليل المنزلي ما يظهر الخطين لين تتاخر 7ايام
لاتسوين اشعة ابنك خلي ابوه يدخل معاه عالاشعة للاحتياط
وممكن يظهر خط ثاني بس خفيف جدا بعد 3 الى5 دقائق والدكتورة حكتلي بيكون حمل الله اعلم حكتلي بتقدري تعملي تحليل الدم للتاكد
انا اشهر الي طاف تاخرت علي اسبوع وعملت تحليل منزلي وماظهر ولما رحت الدكتورة عملتلي دم بس كان سلبي والحمدلله عكل حال بس انتي ان شاء الله مو زيي بتكونين حامل

عزيزتي ASA
انشغلت امس وماقدرت اكتب اللي صار امس واليوم انشغلت مع ولدي في المستشفى
بس اظن اني مثلج بتتأخر بس مافي حملPpe_Pis_Wink
عزيزتي امس سويت تصوير للرحم بالموجات الصوتيه والنتيجه

مافي شي Ppe_Pis_Biggin

قالي الدكتور مو مبين حمل ؟؟
وكتب لي حبوب دوفاستون 3 حبات ولمدة 5 ايام وقالي انها بتنزل الدوره واذا صار حمل بتثبت الحمل !!
وانا ضحكت وش هالكلام ؟؟ وشلون!
لان سالفة ان الحبوب هذي تنزل الدوره تقبلتها
لكن سالفه ( لو ) فيه حمل بتثبته ( ولو تفتح عمل للشيطان ) ماتقبلته !!!
شلون لو فيه حمل بتثبته والتلفزيون مبين انه مافي حمل ؟؟؟
انا عمره ماصار لي جذي لاتحليل بيت بين فيه حمل ولا تلفزيون بين فيه حمل وبعدين يقولون لو صار حمل !!
بس خلاص انا تقبلت ان مافي حمل ومن امس خذيت حبوب دوفاستون 3 حبات وانتظر الدوره تنزل وان شاء الله بكره بسوي رياضه علشان تنزل المحروسه بسرعه مو عاجبتني هالحركات Ppe_Pis_Angy

بس سؤالي هو: بعد ماخلص الدوفاستون متى بتنزل الدوره او بعد كم يوم بتنزل؟؟
لاني مو حاسه بأي أعراض لها بالعكس حاسه اني نشيطه وعال العال Ppe_Pis_azz

اختي شهد اسال اللة ان تكوني حامل وانصحك لا تعملي رياضة لحد ماتتاكدي اكثر عسي يكون في شي ولا قدر اللة تنزلية انتظري كمان شوي وسياتيك الفرج من اللة انشاءاللة

اشكرك عزيزتي آمال على الرد
بس انا مو حاسه بأي أعراض للحمل تماما
ولا حتى أي إفرازات ولا اي شي .. ناشفه تماااااااااماً !!
بس حمل انا مستبعدته تماماً
سبحان الله كنت اسمع عن اللي يجربون اختبار الحمل في البيت بالبول ومايبين خط مع ان الدوره متأخره عليهم وبعدين مايكون فيه حمل
وانا كنت من اول يوم تنقطع الدوره يبين الخط واللحين صار لي نفسهم تأخرت علي الدوره ومابين شي في اختبار البول وبنفس الوقت مو حامل
( شسالفه ؟؟؟ وانا كل شي اقراه واستغرب منه يصير لي عملي) Ppe_Pis_nfse
اللحين سؤالي يالغاليات مو اني حامل والا لا سؤالي هو :
متى تنزل الدوره ؟؟
وعن حبوب الدوفاستون ( هذا الدوفاستون قريت اسمه بعد واستغربت من تكراره عند كذا واحده ومريت عليه مرور الكرام وماكنت ادري ليش يستخدم
وكان على بالي انه نوع من المنشطات واللحين انا استخدمه وعرفت ليش يستخدم !! )
المهم انا اخذ 3 حبات دوفاستون لمدة 5 ايام وباقيلي يومين
متى بتنزل علي الدوره ؟؟ واذا ماتنزل شلون انزلها؟؟
وللعلم انا مره لفت انتباهي موضوع فيه ان تأخر الدوره بسبب ضعف التبويض و استغربت منه Ppe_Pis_Smie
وكوني استغربت منه اظن اني بجربه خخخخخخخخ
فياليت تردون على اسئلتي بخصوص نزول الدوره لان الحمل انا مستبعدته لأن الدكتور لمن سوى لي تلفزيون قالي مافي حمل وكل شي طبيعي
وهذا دم خفيف وبينزل عليج وقالي ان احتمال حدوث الحمل ضعيف جداً الا لو صارت معجزه Ppe_Pis_nfse
علشان جذي لاتقولون لي حمل اوكي Ppe_Pis_Wink

السلام عليكم ورحمة الله وبركاته
اختي الكريمه لاتخافي هذه اعراض حمل باذن الله انا صار عندي نفس هذه الاعراض في بداية حملي الاول ومابين بالفحص الا بعد عشرة ايام من موعد تاخر الدورة اما عن اللام الي تكلمتي عنا في غير موعد الدورة فكان موعد التبويض اذا اراد الله .

عزيزتي بالنسة الى حبوب البروجسترون هي تستخدم لكي تنمي بطانة الرحم حيث اذا كان في حمل تعمل على تثبته اما اذا لم يكون هنالك حمل فالدورة بتجي بعد ما توقفي من تناول الحبوب بيوم الى يومين

هلا شهد شنو اخبارك ان شاء الله اطمنتي

ام هاجر .. امينه .. fz30

اشكركم على الرد

وبالنسبه لاخباري يا fz30

مافي شي للحين مثل المعلقه !!

واليوم آخر يوم اخذ حبوب الدوفاستون واللحين انتظر الدوره تنزل
وادعووووووووووولي انها تنزل
شعور اني مو فاهمه شي شعور بايخ جداً
وشعور يحسسني باني بوقف التنفيذ لامتهمه ولا بريئه
اللحين بتفلسف خخخخخ

بس ياليت تفيدوني متى مفروض تنزل عندي الدوره بعد ماخلصت آخذ الدوفاستون ؟؟

سلامتك يا اختي ممكن تنزل الدورة بعد ثلاثة ايام او اربعة

بسم الله الرحمن الرحيم
اختي الغاليه انصحك بعمل اختبار حمل بس في الدم افضل وادق لانه ممكن لايظهر في اختبار البول شئ

والله اعلم انكي حامل

الله يساعدك ويسهلها عليكي
انا اعتقد انه من اللولب الي حاطته حسب ماقلتي
وانشاءالله حمل بالتوفيق

اخر يوم من اكلج للحبوب تنزل الدورة صارلي نفس الشي