انتبهي اختي. ماسبب تاخر حمل بنات الايام هذي؟؟تعالي وتعرفين

انتبهي اختي. ماسبب تاخر حمل بنات الايام هذي؟؟تعالي وتعرفين>
السلام عليكم ورحمة الله وبركاته

انا ملاحظه مثل الكل كثرت تاخر الحمل عند بناتنا حتى امهاتنا والعجايز مستغربين هالشي

امي كانت تقول انهم كان طبيعي الوحده تتزوج وبعد 9 شهور يسمعون جالها ذريه..
اما بناتنا واخواتنا؟؟

اقل وحده تحمل بعد سنه واكثرهم بعد علاج..بنات بعمر الشباب تعرضوا للحبوب والابر واطفال انابيبوالدليل المنتديات اللي فيها بالآلاف...
اسالوا امهاتكم...جذي كانت نسبة العقم عندهم؟؟ طبعا لا.. وانا اقولج اكثر الاسباب.

اولا..قضاء الله وقدره ومشيئته لكن لكل شي سبب.

ثانيا..لو اقولكم ماتصدقون..
مدن الالعاب والالعاب العاليه والبهلوانيه(قطار الموت..الصاروخ..الميكسر)قالت لي عجوز ان البنت اذا ركبت هذه اللعبه قامت بتثبيت جسمها كله واذا انقلبت اللعبه او اهتزت ..مااللذي يتحرك وينقلب؟؟
الاعضاء الداخليه واولها الرحم(.
وكم من فتاه استمرت بدون حمل وعجز الطب عن ذالك حتى عملت تدليك او تمريخ وقسم بالله ان اختي جلست 6 سنوات بدون حمل ومابقى مكان ماسافرت له واخر شي...راحت لحرمه وطلع رحمها صاااااااااااد ودلكتها وربطتها وبنفس الشهر...والله شاهد على كلامي حملت..
ثالثا:الوجبات السريعه..كلها هرمونات واشياء تضر المراه بالذات وتلخبط جسمها كله...والدليل اكثر بنات هالايام وحتى بسن المراهقه دورتهم غير منتظمه.. وعلى قولت احدى العجايز(يااحافظ ماخبرنا البنت عادتها متعفسه)
رابعا..اصابت اكثر البنات بالسدد وهو انسداد في القنوات..والسبب اهمال فترة الدورة الشهريه..شرب البارد والمشروبات الغازيه والاكلات الحامضة واللي لاتناسب هذه الايام.

خامسا..اعرف وحده استمرت 5 سنوات بدون حمل وذهبت الى اكثر من دكتور وقالولها سليمه ومافي سبب يمنع الحمل..واخر شي هدتها صديقتها انها تروح لحرمه تعالج طب شعبي وتوقعوا شنو كان عندها؟؟
(رحمها مليان هوااااااااااء) ولو نقول هالكلام للاطباء قالوا خرافات..قسم بالله هذا كلامها بنفسها...عملت لها كاسات هواء وترديد وضغطت على الرحم وتقول سمعت صوت شي يخرج من الرحم مثل..........الله يعزكم
والحين توها والده ببنت وولد...وطبعا عطتها عسل به اعشاب يزيد الاخصاب وكبسولات جنين القمح اعتقد(مومتاكده من نوع الحبوب)
امي تقول الهواء يكون عند عدم حرص الوحده على نفسها اثناء الدوره..يعني لازم تلبس بنطلون طويل او شورت.

واخير وليس اخرا...موهذي بس الاسباب وعلى قولتهم ياماااا بنات سووا كل هالاشياء وحملو وماضرهم شي لان ارادة الله اقوى من كل شي لكن (اسعى ياعبدي وانا اسعى معاك)

والله العظيم ماكتبته الا من كثر مااحترق لما ادخل القسم هذا من المنتدى..

وشكرا على وقتكم واتمنى الكل يستفيد ويرزقه الله بالذريه الصالحة المعافاه.

مشكوره والله يعطيكي الزوج الصالح اذا مو متزوجه
واذا متزوجه الله يعطيكي الذريه الصالحه

لك شكري أختي على النصائح السليمه.....




وكمان ما تمشي حافيه ,, وتبتعد عن الأكل اللزج مثل الموز واللوبيا والملوخيه,,

وتبتعد عن الأكل الحامض مثل الليمون أو اللبن ,,

وتحافظ على درجة الجسم يكون دافي ,,


ومثل ما قلتي ماتشرب بارد ومشروبات غازيه ..


وكمان تبتعد عن الشيكولاته ..


وما تجوع أبدا,, لازم غذاء كامل ومتوازن ..

ولما تاخذ شور تاخذه بماء دافي ,, وتحاول أنه يكون للضروره فقط .. لأن الشاور ممكن يدخل الهواء فالجسم ..




و كمان بضيف ,, أن الوحده وقت الدوره لازم تشرب ((قرفه)) إذا دورتها ما تنزل زين لأنها مدره للحيض وتنظف الرحم .. تغلي ماء وتحطي بقدر عودين قرفه وتصبي عليها الماء المغلي يكفي كأس ونصف وتشغلي نار هادئه لما يبدأ يغلي ,, بعدها صفيها أنتظريها لمى تصير دافئه مائله للسخونه وأشربيها .. ما تاخذ الطريقه10دقايق..


وكمان ((قشر قهوه)) للإدرار والتنظيف نفس الطريقه ,, والكميه مقدار حفنة يد ..

وكمان ((ميراميه)) لتسكين الألم والتنظيف نفس الطريقه ,, والكميه مقدار حفنة يد ((يعني تقريبا ملعقتين كبار ))..


,,,,,,,,

ولتخفيف ألم الدوره ولتخفيف نزيف الدوره ,, إذا كانت غزيره ((بابونج)),,نفس الطريقه والمقدار حفنة يد ..

مع العلم أنه مايصير الشخص يشرب نوع من الأعشاب أكثر من كأسين فاليوم ,, يعني مثلا
ما تشربي أكثر من كأسين قرفه فاليوم نفسه ..الحد الأقصى لنوع من الأعشاب كأسين ..

والأعشاب اللي ذكرت كلها موجود عند العطار ,, مع الحرص على إنتقاء الأعشاب الجيده والنظيفه والإبتعاد عن العطارين المشكوك بنظافة أعشابه ..




وآسفه عالإطاله بس حبيت أوضح أكثر وأفيد ,, والمعلومات اللي ذكرت قريتها كثير وسويت بحث في النت عن الأعشاب وإستخدامها وفائدتها .. يعني إطمئنو ما كتبت شي مو متأكده منه .. أنا قبل أفيدكم كنت أبي أفيد نفسي ,,






والله يسهل ويوفق الجميع ..

مشكورين خواتي على هذه المعلومات المفيدة و الله يرزق الجميع بالذرية الصالحة ان شاء الله ...
رب لا تذرني فرداً و انت خير الرازقين ... الهم امين

مشكورين على هذة المعلومات القيمة جداااااااااااااااااااااااااااااااااااااااااااااااا افادكم الله دائما

مشكورين على هذة المعلومات القيمة

تسلمين ومشكوررررررررره

شكرا حبيبتي حلولو على المعلومات القيمه جزاك الله خيرا

مشكورين أخواتي على هذه الإفادة و جزاكم الله كل خير بس أحب أضيف شيء وهو أنه العامل النفسي مهم جدا في حدوث الحمل او عدم حدوثه يعني لازم تحاول المرأة ما تفكر كثير بالموضوع لاني من خلال تجربتي وجدت أنه الموضوع بس حرق للأعصاب ولازم الإنسان يسلم أمره لله سبحانه وتعالي .
ربي هب لي من لدنك ذرية صالحة انك سميع الدعاء
ربنا يرزقنا ويرزق جميع الاخوات الذرية الصالحة وربنا ما يحرم منهم أحد قولوا معي آمييييييييييييييييييييييييييييييين

كلامك صح ياعبق الياسمين
اشكرك على مرورك الطيب

مكشوووووووووووره على المعلومات القيمه شكرا جدا

تسلمين حبيبتي Samaa على المرور الطيب