بدي رأيكم يا بنات المنتدى

مرحبا..... بصراحة الموضوع يمكن الأدرى فيه دكتور بس انا حابة اسالكم انتوا يا بنات المنتدى ما بدي استشير دكتور لاني لهلا استشرت 3 بس خايفة ، وهون بالمنتدى ما في ولا دكتور عم يرد على استفساري ما بعرف ليش .... على العموم مش مشكلة زي ما حكتلكم بدي احساسكم بتوقع راح يطمني ، وكمان بدي دعواتكم . وهاي قصتي

انا متزوجة من سنتين ونصف ، تأخر الحمل واستشرت اطباء اخبروني اني عندي تكيس خفيف بالمبيض واخدت منشطات 3 مرات (دورات) مش متتاليات ،ابر وكلوميد وكان جسمي يستجيب وتظهر بوضه بس ما يحصل حمل واخيرا قررت اعمل اطفال انابيب، وحصل حمل لكن للأسف الحمل كان خارج الرحم وتأخر لنكشف لانه كان في كيسين بدون جنين داخل الرحم ، فاضطروا يشلوا القناة اليمين وهلا انا عندي اجنه مجمده 7 اجنة بس خايفه اكرر التجربه وحاولت استخدم التنشيط مرة تانية بعد العملية لكن نفس الشي ظهرت بوضيه وما صار حمل ، انا بعرف انه احتمال 7% من اللي بيعملوا اطفال انابيب يحصل معهم هيك بس انا خايفة انه تزيد هل النسبة لانه صار معي هدا الشي اول مرة يعني خايفة انه يكون اللي بيعملوا اطفال انابيب وبيصير معهم هيك يكون احتمال تكرار الشي معهم أعلى من غيرهم ،الغريبة انه الدكتور اللي عملي عمليه التنظير قبل ما يشلوا القناه حكالي انه ما عندي التهابات وعملت صورة ملونه للرحم وكمان كانت النتيجة انه القناه الشمال بوضع منيحةا والرحم منيح كمان ... شو احسن ارجع الأجنة ولا احاول آخد منشاطات عادي كمان ؟؟

رأي الدكاترة اللي رحتلهم اني اكررها ، وفي واحد منهم حكالي انه اللي صار صدفه لانه ما اله سبب واضح ومش شرط يتكرر

انتوا اخواتي شو احساسكم ... بدي رأيكم لاني اذا بدي اعملها لازم الشهر الجاي ... ساعدوني

"ربي اني أسألك الشوق الى لقائك "

السلام عليكم ..
أختي العزيزة بالنسبة الى عمليةأطفال الأنابيب لا تأدي الى الحمل خارج الرحم و انما الأمر الذي حصل عندكي من الممكن أن يكون صدفة .. حيث أحدى صديقاتي حصل لهت لها نفس المشكلة حيث أنها أجرت عملية أطفال الأنابيب مرتان و لم يحصل حمل أما المرة الثالثة حصل حمل و لكن مع الأسف خارج الرحم و أدى ذالك الى فقدها للأنبوب و بعد شهران من المحاولة الأخيرة أجرت العملية مرة أخرى و هي الأن تنتظر النتيجة أسأل الله الكريم رب العرش العظيم أن يرزقعا و يقر عنها بالذرية الصالحة ..
عزيزتي أنصحك قبل أن تبدأي بالعلاج أن تجري فحصاً للتأكد من عدم وجود مرض بطانة الرحم المهاجرة لديك الأن هذا المرض يزيد من فرصة ألتصاق الأجنة خارج الرحم الأن بطانة الرحم تتكون خارج و داخل الرحم لذى تأكدي من ذلك ثم حاولي أجراء عملية أرجاع للأجنة الأنها بسيطة و لا تحتاج تحفيز للمبيض فالأدوية تكون أقل و نسبة نجاحها جيدة . أنصحك أن تصلي أستخارة و توكلي على الله و أن شاء الله نسمع أخبار حلوه عنك

عزيزتي....الاهم انك تستخيري ربك وتشوفي ايش اللي مرتاحه له اكثر....وكررري الاستخاره كم مره لحد ماتقررين على واحد منهم....
بعدين ياحبيبتي......والله لو انك تستغفري ربك يوميا بنية الانجاب بأذن الله راح تحملين.....وادعي ربك كتيييير والافضل في صلاة الليل ...
انا اعرف ناس كتار اغلب الاطباء قالو عنهم عقم يعني خلاص مافي اطفال.....ولما لجئو الى ربهم والله رزقوا بالذريه....بدون علاج ولا اطفال انابيب...

انتي ليش ماتجربي انك تتقربين لبك اكثر وتصدقين النيه معاه في جميع تصرفاتك.....(من توكل على الله فهو حسبه).....
اقرأي سوره البقره يوميا ....مع الاستغفار والدعاء+الصدقه.......>لها مفعول سحري....
انتي جربي وما لراح تخسري شئ مو مثل العمليات والادويه.....

وانا ماقلت لك الكلام هدا الا ابغلى لك الخير.....وان شاء الله تبشرينا بحملك يارب قريييييييييب....

شكرا اخواتي امنية وعصير افكادوا على ردكم الجميل ... الله يجزيكم الخير ... انا بحاول دائما أكون اقرب لربي بس لس مقصرة شوي لكن عم بحاول أكون كل يوم احسن من اللي قبله ، الحمد لله ربي معطيني كتير دائما كنت امر بظروف صعبة ودائما كان ربي يفرج همي ، وانا أملي بالله كبير ومتفائلة انه راح يرزقني الذرية الطيبة .... بس خوفي جاي من التجربة نفسها لانها بجد كانت صعبة علي بس الحمد لله حتى بهل التجربة الصعبة كان ربي معي ... لو كنت تأخرت شوي بالعملية لكان يمكن تسبب الحمل بنزيف خطير وكان ممكن يستأصلوا أكتر من القناة ، الحمد لله دائما وابدا .

راح أضل استخير والله يجب اللي فيه الخير

اختي امنية بس بدي اطلب منك تحكيلي شو بصير مع صاحبتك ، ان شاء الله تكون امورها تمام .

اللهم اعني وزوجي على ذكرك وشكرك وحسن عبادتك

السلام عليكم اختي sama اولا الله معك انشاء الله ،يا اختي انا عملت 3 مرات اطفال انابيب وكل مره باخد منشطات ودواء وكل مره عمليه ايش الواحد بدو يساوي هذا امر الله والحمد لله على كل شيء وانشاء الله يكون في ميزان حسناتنا المهم اختي انا بدي اقلك يمكن الي صار معك صدفه وما بتكرر تاني انا في الحمل التاني نزلت تؤام في الشهر الثالث وكان كل شيء سليم والجنين كان باحسن حال بس كله بامر الله بس الحمد الله انا الان حامل في الشهر السادس يعني اقلك ما تياسي من رحمه الله وقولي دائما يارب وبالنسبه للاجنه المجمده انا كنت حافظه اجنه بس لما سألت الدكتور قلي في الجنه المجمده نسبه نجاح العمليه فيهم بتكون اقل من الاجنه الجديده وسمعت كلام الدكتور وما استخدمتهم والحمد لله انا حامل وهذا رايي وانصحك اختي انك ترتاحي على الاقل 3 شهور لاني بعرف قديش العلاج والعمليه متعبات وعلشان جسمك ترجع له حيويته والرحم عندك كمان يقدر يتحمل هذه نصيحتي اختي وانا مجربه واخيرا اتمنى لك كل خير يارب العالمين واسمع اخبار حلوه عنك بالقريب العاجل وخلي اعتمادك على الله واكثري من الدعاء لان الله لن يرجعك الا مجبوره الخاطر 00000000000000000000

تسلميلي يا اختي (مي) الله يجيب اللي فيه الخير ، والله كلامكم ريحني شوي، على فكرة انا هل الحكي صار معي من فترة يعني تقريبا من 10 شهور ، واللي منعني اكرر وارجع الأجنة هو الخوف، ا.... لما عملوا العملية وشالوا الجنين حسيت انهم أخدوا روحي .... خصوصا انه ماكان صغير وكان بنبض، كمان بصراحة انا حسيت بالذنب لاني عمليت اطفال الأنابيب على البدري واستعجلت فيها ، ما صارلي زمان متزوجة بس طبعا كله نصيب والحمد لله .

اللهم أجرني في مصيبتي وابدلني خيرا منها .

حبيبتي خلي اعتمادك على الله وفتره 10شهور كويسه للاعاده والله بعرف وحاسه باحساسك وان كمان لما نزلت تؤام ساعتها حسيت انهم لو اخدو روحي اهون علي بس ارجعت واستغفرت ربي والحمد لله عوضني خير وليه حاسه بالذنب علشان عمليه اطفال الانابيب مش الدكتور الي وصفها لك وانا اظن انو الدكتور ما بيعملها الا لما ما يكون هناك امل في الحمل غيرها 0000انا هيك الان لا يمكن الحمل الا باطفال الانابيب كما قال الدكتور و كل ما الواحد استعجل بالحمل احسن لانو فتره النجاح تعتمد على عمر المرأه اكثر شيء لانو التبويض بيبقى افضل وعلى العموم اسالي الدكتور وهو راح يفيدك000000000000000 والله معك ودعائي لك من كل قلبي الله يرزقك بالخلف يارب عاجلا

شكرا كتير على اهتمامك مي ..... جد كلامك حلو ومريح ومنطقي... بتعرفي كل ردود افعالنا على المواقف الصعبة اللي بنمر فيها بتكون نتيجة لطريقة تفكيرنا يعني، لازم نجبر حالنا نفكر صح ونفكر بطريقة بتعطينا التفائل .... ما لازم نندم على شي لانه كله مقدر مكتوب .... انا لما قررت اعمل العملية ما كان عندي شي صعب كان الموضوع مجرد ضعف تبويض بس الدكتور نصحني بالعملية عشان ارتاح من اني اخد ابر كل شهر وممكن تفيد وممكن لا ... بس هلا صار الأمل اضعف يصير الحمل طبيعي الا بأطفال انابيب لانه القناة اليمين مش موجوده .... انا متفائلة وعم بستخير وحاسة اني مرتاحة لس معي وقت ..معك حق مسألت العمر مهمة ، كمان بحس انه احلى نكون امهات بعمر اصغر بس نكبر بصيروا ولادنا اقرب النا

حبيبتي الله معك ودائما لازم تكوني متفائله واليوم ردك اعجبني لانه في نوع من التفائل الله معك بس حبيبتي في نقطه بدي اوضحها لك العمر مش علشان انه نكون امهات واحنا بعمر اصغر فقط العمليه نفسها نسبه نجاحها تعتمد على عمر الام لانه كل ما كانت الام صغيره بالعمر كل ما انتجت بويضات اكتر وهذا بدوره له سبب بنجاح العمليه الله معك