تعديل الشهادة

السلام عليكم ورحمة الله وبركاته

كيفكم يا اعضاء المنتدى من الرجال والنساء


اعرفكم بنفسي عضوة جديدة بمنتداكم وباحثة عن الوظائف والدراسات العليا والعدالة زيكم


انا اول شي خريجة جامعية من جامعة الملك عبد العزيز قسم الاحياء الدقيقة ( ومن الحظ السعيد شطبوها من الوثيقة قال عشان نتوظف في التدريس ) 2002 طبعا ماليا في التدريس اصلا والي يبغا التدريس مافي تربوي


بعد التخرج وعلى طول قدمت على تدريب في مستشفى الولادة والاطفال بجدة قسم المختبرات لمدة سنة كاملة بدون راتب درت على الاقسام ومسكت كمان اقسام في فترات الصيف مع نقص العاملين بسبب الاجازات واهم شي كنت المسؤلة بصفة كاملة لمدة شهر عن قسم المايكروبيولوجي يعني الكل بالكل من زرع وتحضين وتعريف وكتابة نتايج وتسليم الخ


بعدها اتزوجت وانتقلت مع زوجي في ربوع بلادي من مكان لتاني في انتظار نقلة الى جدة ----- طبعا هو مدرس

المهم بعد اربع سنين بدات اقدم للوظايف بعد ما وصلنا مكة في مكة او جدة وطبعا طلبة شهادة الهيئة

لمن راجعتهم قالولي اني منقطعة عن العمل ولازم اخد تدريب لمدة 3-6شهور او زي ماقلي الموظف لو تعرفي احد يجبلك هي بدون تدريب

قررت اتدرب لكن في منتداكم ومنتديات تانية قرات مواضيع انو التدريب كلام فاضي ولا في النهاية يعطو الشهادة ولا ندخل الاختبار بس تعقيد



السوال لأهل الخبرة هل الكلام صحيح ولا لا

واش نهاية القضية المرفوعة في ديوان المظالم من خريجي الكيمياء الحيوية والاحياء الدقيقة ضد وزارة العمل ووزارة الصحة

اخر شي انا عندي استعداد كامل للدراسة لتعديل الشهادة فين الجامعات او الكليات الصحية او المعاهدالصحيه الي تساعدني على تعديل شهادة علوم الاحياء وتقبل عند تقديم الوظائف الصحية كفنية او اخصائية مختبرات طبية بشرط الرسوم الدراسية المقبولة لأن مستفى الملك فيصل التخصصي في جدة قدم برنامج تأهيلي لخريجي العلوم بس الرسوم الدراسية كانت عالية 50000 خمسين الف ريال سعودي والابتعاث الخارجي صعب لعدم وجود محرم مرافق لأرتباط زوجي بعمله في التدريس




طلب اخير سمعت من بعض المنتديات انو يمكن الواحد يكمل بعد البكالوريوس في كلية التقنية في جامعة الملك عبد العزيز ما اعرف صحة هذا الكلام بليز الي يعرف يرد على الموضوع وكيفية التسجيل والانضمام للدراسة

بصراحة كل ما أشوف مختبر سواء في مستشفى او تلفزيون او مجلة احس باكتئاب شديد لاني مرتبطة جدا بعمل المختبرات الطبية وماني قادرة اتقبل فكرة العمل في اي مجال تاني او كوني ربة منزل فقط



www.bihemisty4a.mfmsimagessmiies36_1_4[1].gifwww.bihemisty4a.mfmsimagessmiies36_1_4[1].gifwww.bihemisty4a.mfmsimagessmiies36_1_4[1].gifwww.bihemisty4a.mfmsimagessmiies36_1_4[1].gifwww.bihemisty4a.mfmsimagessmiies36_1_4[1].gifwww.bihemisty4a.mfmsimagessmiies36_1_4[1].gif[IMG]



الموضوع دا جايبلي اكتئاب شديد جدا ارجو الاهتمام وتذكرو قول الرسول صلى الله عليه وسلم ( من نفس عن مؤمن كربة نفس الله عنه كربة من كرب يوم القيامة )

اظن الماجستير يعطيك حق فى العمل فى هذا المجال

اول شيئ الله يجبر خاطرك زي ما جبرت خاطري

تاني شئ الماجستير هو حلمي الاول بس في الجامعات السعودية واخص بالذكر جامعة الملك عبد العزيز الواسطات هي الاساس وكمان يحدد المجال الدراسي في الماجستير على حسب شاغر الدكاترة يعني لمن تنقبل انت مجبر على تخصص معين وما في تخصص ماجستير تقنية مختبرات طبية واذا درست ما جستير في علوم نفس المشكلة ما يبغوا خريجين علوم

الابتعاث الخارجي هو الحل ونسبتى توهلني للقبول بس للاسف لا يوجد محرم مرافق فزوجي موظف في في قطاع حكومي وليس له الحق في الاستفادة من البعثات الخارجية ووالدي مرتبط باخواتي واسرتي ولا يستطيع ترك شواغرة لمرافقتي

السلامو عليكو ازيك يارب يكون موضوعك خلص واتعينتى بس انا عايز اقولك انى بشتغل فنى مختبر فى السعودية ومعايه واحد صديقى نفس موقفك بالظبط زملقاش شغل فى القطاع الحكومى فاضطر للعمل فى شركة خاصه دى مشكلة عامة فى كل المملكة بالنسبة للتخصص بتاعكم والله انتوا مظلومين بعد الدراسة والتعب متلاقوش وظايف حررررررررررررررررام

لا تشتكي لي ابكي لك0000000000 انا خريجة كيمياء حيوية 0

لا تيأسي و لاتفقدي الأمل وأعلمي أن الله هو الرزاق لا فلان ولا علان أطلبي ربك ليل نهار وأعلمي أن الله يحب العبد إذا لح وكتر في طلبه

جربي المستشفيات الحكومية تحت نظام التشغيل الذاتي
قدمي في مكة " حراء العام " و " النور التخصصي"
في موظفين تتدربوا لـ3 أشهر وتوظفوا

وهناك كمان مدينة الملك عبد الله الطبية جهة العزيزية بمكة آخر خبر سمعته أن التقديم في ربيع2 والعمل في رمضان

الله يحقق ما تتمنيه

Ppe_Pis_Eekسارعوا بأخذ لقاح الحمى الشوكيةPpe_Pis_Eek