دوخة واغماء بعد ابرة العضل لعلاج وجع البطن والقولون

كنت أعاني من وجع بالبطن وذهبت لطبيب أعطاني إبرة بالعضل بإعتبار أن عندي قولون وبعد عشر دقائق تقريبا أقل أكثر قليلا لا أعرف وانا عند الطبيب دخت وحصل عندي هبوط وغيبت ورجة وبرود وجابولي لبن مع ملح وشربت وتحسنت.

بعدها بفترة رجع عندي الألم وذهبت لطبيب أخر وكمان أعطوني إبرة بالعضل وحصل معي نفس الشئ دوخة وغيبت ولكن كانت ردة الفعل أسوء وطولت بحدود ساعتين وانا دوخة معي بعد ما صحيت ورجة شديدة كل جسمي كان ينتفض ونشفان حلق وضيق تنفس والضغط كان 100/50 وأعطوني محلول بالوريد لحتى تحسنت.

يا ريت إذا بتفيدوني شو ممكن يكون السبب علما الطبيب الأول غير موجود حاليا لكي اسأله السبب وما نوع الإبرة والطبيب الثاني نقل لعيادة أخرى وحكولي إنو ملفات الورق تخلصوا منهم وأصبحوا يشتغلوا ع الكمبيوتر وانا ملفي كان ع ورق وأنا مش عارفة شو السبب

وطبعا ما بخاف من الإبر كنت اخد زمان أبر B12 يعني مو خوف شو ممكن يكون السبب رجاءا إذا بتقدر تساعدوني بإنو اعرف إذا في مادة من هالأدوية بتعملي هيك لإنو حاليا صار عندي خوف من كل الأدوية سواءا حبوب أو أبر شو ما امرض ما باخد دوا خوفا من انو تتكرر معي نفس الحالة صارت عندي عقدة وخوف وبدي حل رجاءا لأعرف عن شو ابعد وإذا بقدر اخد ادوية حاليا لإنو إلي علاج ومش مسترجية أشربوا إلا لما أطمن

وبعتذر على الإطالة بالشرح وشكرا