رائحة الفم و خروج قطع بيضاء من الحلق

السلام عليكم ورحمة الله وبركاتة
الاطباء الافاضل
ما شاء الله علي انا شايف انكم مجتهدين وبتخلصوا فاللي بتكتبوه على الرغم من انه لايعود عليكم بفايدة مادية
الا انه يعود بفايدة معنويه فأبشروا خيركم من تعلم العلم وعلمه اذن انتم من الخيرين

المقدمه حاولت انها تكون كويسه لكن مدتكوش حقكم كما ينبغي.
المهم يا سادة وباختصار لا لا مش بختصار
انا شاب عندي 27 سنه عندي كارثه مش مشكلة في الانف والاذن والحنجرة
من 8 سنوات تقريبا بدأت احس ان فيه تغيير في رائحة فمي
مش عارف ده من النزيف اللي كان بيجيلي وان عندي 20 سنة في مناخيري ولا مش منها "اسف اية مناخيري دية؟" انفي ؟ هل فية علاقة
المهم اهملت لمدة سنة كعادة المصريين ومحتطش فبالي "محتطش كدة صح؟.....
لكن والدتى لاحظت وقالتلي يا .... انت لازم تروح تكشف عند الدكتور الفلاني
الدكتور طلعلي لساني بحاجه خشب كده وكشف على ودني وانفي ..... ومضاد حيوي و غسول ...سلامو عليكم
وعدت سنة بس بدون تحسن بل ساءت
المهم وصلنا من 3 سنوات كده تفاقمت الحاله
وبينما انا في12 يناير 2006 دخلت الحمام كعادة الناس وبغسل وشي وبتمضمض و اسف "اتنخمت" لاقيت حاجه لفظها زوري
حاجة صغيرة بيضه شكلها زي حباية الرز شكلها غير منتظم
المهم الكائن اللي طلع من زوري ده لين وقابل للتفتيت
وكمان لية نفس الريحة الكريهه اللي بيطلعها فمي بس مركزة جدا جدا "اسف "
انا عارف انكم اشمئزيتي
بس تخيلوا انا بئة اعمل اية " انا ساعتها كنت بدور على مكان يصلح لفقدان الوعي"
في ثانية لبست هدومي وجريت علي دكتورانف وا.....ة
حاكيت له اللي حصل بس نظرة الغباء اللي في عنية حسستني انه مفهمنيش ولا عارف ماهية القطعة اللي طلعت دي وبرضة مضاد حيوي وغسول وتصبح على خير يا حبيبي هتبقى كويس

وعدت سنة كمان صرفت حوالي 150 الف دولار لبان ونعناع علشان اغطي الريحه لانها فعلا سببتلى محرجة اجتماعية خاصة اني شغال في بنك وبقابل عملاء كتار وطبعا زمايلي..

من سنة بدا طبقة جير كبيره تغطي لساني و محيط ضروسي وللجير نفس الريحه برضه
ساءت الحاله .... اكتر
اكتر..
وخروج القطع اللي قولت عليها دية عمال على بطال.

دكتور تاني كتبلي على غسول اسمه "تراكيزان" من مشتقاتة الكلوروهكسيدين
طبعا فاهمين
المهم ريحني نسبيا
يعني بيخفي الريحه لمدة يومين
وبيمنع تجمع الجير على اللسان
حتى لما بصحا من النوم مبيبقاش فيه ريحة
بس يومين وارجع مش طايق وشى تاني والكائنات اللي حكتلكم عنها لسة برضه ترجع تطلع
الحقوني بقهy_1
BiggestSmie_1

اخيرا حاولت اكتب الموضوع بشكل ساخر لاني فعلا محرج حتى من كتابته
انا اسف
وارجو البحث عن حل فعال
وبلاش حكاية مضاد وغسول وبطل تدخين "هوه انا مقلتش اني بدخن" اوكاي اهه اديني قلت
ومع السلامةBigSmie_1
شكرا

اخي السائل هذه الرائحه اسبابها كثيره منها داخل الفم ومنها في الامعاء اما ما يتعلق باللسان غهي عباره عن فطريات والعلاج هو datain a ge يوضع في الفم واللسان مرتين يوميا اما مايتعلق بالمعده غالعلاج هو fagy 250 ويعطى العلاج لمدة 10 ايام بعد ذلك استراحه 10 ايام ثم يعطى 10 ايام اخرى وسلامتك الدكتور احمد عثمان .