السلام عليكم يا العضو الجديد ويانه اول شي بنرحب بيك كعضو جديد ويانه .......بالنسبه لسؤالك....المرحله الاولى اسنان وعام نفس الدراسه ما عدا فرق بسيط في مواد طب الاسنان يدرسون ماده تشريح اسنان والطب العام ميدرسوه واكو ماده في الطب العام الي هيه اساسيات طبيه طلاب الاسنان ميدرسوه فقط طلاب الطب العام .. وكذلك الطب العام يكزو على التشريح العام اما الاسنان بياخذو عام ويركزو اكثر على منطقه الراس والرقبه الي راح تكون منهج دراستهم في المرحله الثانيه ..
بالنسبه للمرحله الثانيه المواد الدراسيه في الطب العام تشريح عام وفسلجه وانسجه واجنه وكيمياء بس طلا ب الاسنان عدهم نفس المواد ويضيفون اله ماده ماده صناعه الاسنان وماده انسجه الفم وماده مواد سنيه .
لكن بالنسبه لماده التشريح والانسجه في الطب العام تكون ماده اطول من طب الاسنان
اما في الثالث الاختلاف الوحيد في المواد بين الاسنان وبين العام انو جماعه الاسنان يدرسو جراحه فم وطب العام يدرسو جراحه عامه وتقريبا بقيه المواد متشابه
اما المرحله الرابعه والخامسه فتكون في اختصاص جراحه الفم والاسنان بصوره خاصه وتكون مرافقه لدراسه عمليه في العيادات والي طبعا تكون اجمل ايام الكليه هاي المرحلتين
وتمنياتي الك يا العضو الجديد بالموفقيه بحياتك العامه والدراسيه وخليك على تواصل معانا في المنتدى
وشكرا