سؤال الى طلبة الطب الأردنيين ممكن يدخلو..!!

السلام عليكم
اهلا بكل أخوتنا من الأردن الشقيق ..عندي استفسار بسيط عن دراسة الطب بالأردن
سمعت انه بأمكان الطالب الحاصل على البكالوريس اكمال الماستر والدكتوراه في الأردن وخاصة مجال القلب لأن الأردن تعتبر الدولة الألى عربيا ان لم نقل شرق اوسطيا في مجال
طب القلب .........ولو كان الكلام صحيح فكم تكاليف الدراسة للطالب الغير اردني العربي
ووين ممكن نلقى معلومات مفيدة في هذا المجال....
على فكرة انا زرت الأردن سنة 2002 في مخيم كشفي عربي والله بلد حلو وشعب أحلى
بصدق حسيت اني في بلدي

اخي ابو هجرس
شوف هالموقع تاع الجامعه الاردنيه
هي ام الجامعات عنا
ودراسة الطب فيها مميزه
رح اشوفلك جواب باقرب وقت
بس حاول ادخل الموقع اكيد بتلاقي شي بفيدك
بس انا عشان لسا بمرحلة البكالوريوس
ما بعرف كتير بشغلات الماستر والدكتوراه
وما بشوف كتير عنهم
بس رح احاول اقرالك بدليل الطالب وباي مكان واردلك جواب
تفضل الموقع
www.j.ed.j
والحمد لله انك حسيت حالك في بلدك
هاد فخر النا
تحياتي

يعطيك ألف عافية دكتورة اسراء على التوضيح

وبالفعل دكتور أبو هجرس .. الأردن قوية بمجال الطب .. وعندك أكبر دليل مدينة الحسين الطبية ... مدينة طبية متكااملة ..

وهي متميزة جدا بالأورام ..

تحياتي للجميع

السلام عليكم
اخي ابو هجرس
هلا انا قرأتلك عن ما بعد مرحلة البكالوريوس
ووجدت انه في تخصصات كتيره وكم سنه تحتاج
بس كان في تخصص جراحه عامه خمس سنين
وفي جراحة الدماغ والاعصاب..المسالك..العيون..العظام

يعني ما لقيت جراحة القلب
اتوقع الواحد ياخد جراحه عامه بلأول
بس مش عارفه كيف بالزبط ياخد جراحة قلب
لانه دليل الكلية عنا
مركزين على البكالوريوس اكتر شي
بس كاتبين رقم للاستفسارات
بقدر اتصل فيه
بس ليوم الاحد لانه هلا عطله
بس بدي تقلي ايش اسأل بالزبط؟
يعني كم تكاليف تخصص الجراحه العامه؟ لطالب من اي دوله؟
لانه في تعليمات للقبول
من ضمنها ان تكون الجامعه معترف فيها
واكيد تقدير البكالوريوس مهم
انا غلبتك بلاسئله
بس بتعرف لازم افهم منيح بلاول قبل ما اسال
مش حلوه اروح وانا ما عندي المعلومات اللي اجاوبهم عليها
وان شاء الله بجيبلك الجواب باقرب وقت
تحياتي