شو رأيكم.......

اليوم خطرلي سؤال وحبيت اسألكم اياه
متى أخر مرة قرأت فيها القرآن؟؟؟؟؟؟
بتعرفوا انه عنجد مهما كان الواحد مضغوط بالدراسة ومش لاقي وقت فراغ....بس الا ما يلاقي ربع ساعة يقرأ فيها صفحة قرآن..
والله يا جماعة انه يمكن ربنا يباركلنا بأوقاتنا عشان هاي الربع ساعة....
وأنا عندي اقتراح صغير طبقته مؤخرا..
وهو : شو رأيكم تحددوا وقت معين باليوم للقراءة
انا بالنسبة الي قبل النوم احسن اشي مهما كان وقت النوم...
لأنه حلو الواحد يختم يومه بأشي يرضي ربنا... وصدقوني راح تلاقي حالك راضي عن نفسك.. وثقتك بنفسك زادت كتير..
عشان هيك بدي هلأ كل واحد يقرأ الموضوع يكتبلنا ايش الوقت اللي بناسبه. علما بأنه كمية القراءة مفتوحة. ولو نص صفحة ..المهم تكون قراءة واعية وبتركيز.. مش بس مرور سريع. وصدقوني... لو ضلينا هيك راح نختم القرآن بأقل من سنه.لأنه راح يجي رمضان_ان الله احيانا_ ووقتها بكون شد الهمة.ومش راح تحس بتأنيب الضمير لانك بس بتقرأ برمضان..
واللي عنده القرآن الكريم على موبايله بكون أسهل بكتير.بتقدر تقرأ وانت متممد على سريرك وفي أثناء المواصلات وبين المحاضرات. بدون ما تحسس حد انك بتقرأ اذا كنت خايف من الرياء..
بس الاخلاص بكون بالقلب مش بالظاهر للناس.
هاي هي القصة. وياريت تتفاعلوا معنا بالتطبيق... ولو أولها تكاسلنا شوي ..مرة على مرة بتصير الشغلة أسهل وأحلى.يلا فرجونا همتكم يا دكاترة.. طلاب الطب ما بعجز عليهم اشي... وكمان هم اللي لازم يلموا الامور من جميع جوانبها..مش بس بالعلم لوحده...ويكونوا قدوة للناس

السلام عليكم ورحمة الله وبركاته ،،

أشكرك يادكتورة إسراء على هاي الدعوة الحلوة ،، بارك الله فيكي وكثر من أمثالك ،،
أنا بالنسبة إلي عادة باحب أقرأ عالأقل ورقة وجه وظهر من القرآن بعد صلاة المغرب ،، ومرات أقرأ أكثر،،
وفعلا أنا بدأت من بعد رمضان أطبق الفكرة اللي قلتيها ،، والحمدلله قدرت أقطع شوط كبير ،،

ولازم نحط ببالنا انه احنا راح نتحاسب على هجرنا للقرآن إذا ما أعطيناه حقه ،،

جزاكي الله كل خير in13;

شكرا للفكرة الجميلة.......

وهناك أيضا مشروع جميل لحفظ القران.......كنت قد قرأته للشيخ العريفي في مطوية....

بتحفظ كل يوم خمس ايات ممكن بتحفظ القران على اربع سنين....
وهكذا

يا سلام على الأفكاار الحلووة دكتورة أسراااء .


يا سلام على الإبدااع

جزاك الله خير على ها الموضووع وعلى ها التذكير .

عنجد احنا مقصرين كتير في حفظ القرآن أو حتى قرآته .. فالدراسة والحياة .. جعلتنا استغفر الله مقصرين بحق كتابنا العزيز ...

أنا حااولت فترة إني كل يوم أقرا نص صفحة .. ومشيت فترة كويسة فيها بس بعدين مع الإنشغال وهيك .. ووسوسة الشيطان .. ما قدرت .

بس كل فترة .. أحاول اروح بدري على المسجد مشان أقرأ وأراجع اللي أحفظه

وفكرة الجواال كتير حلووة ..

وإن شاء الله أنزل برنامج القرآن الكريم ..

بارك الله فيك دكتورة أسراااء ..

الله ما يحرمنا من إبدااعااتك وتوااصلك الكبير ..

تحياتي لك دكتووورة


إلى الأماام

اشكركم أخواتي وإخواني على الردود الحلوة والتواصل معنا
وبتمنى نطبقها وما نخليها مجرد كلام
لانها في النهاية بتفيد كل واحد فينا ومش بس بالآخرة بالعكس بالدنيا كمان
راح تلاحظوا ان شاء الله اذا استمريتوا بالقراءة لفترة ماشي حالها... انه راح يزيد رزقك
وتنفتح كتير أشياء كانت مسكرة معك...
والله يا دكتور عاصم انا متلك... يا ما غلبنا الشيطان واحنا قاعدين بنتفرج
حتى اني نسيت كتير اشياء كنت حافظيتها من زمان
بس بتأثير معلماتي اللي بتواصل معهم لهلأ. وكمان تعاونت مع صاحباتي واخواتي ,فكلنا مع بعض شدينا الهمة.وبلشنا نراجع اللي حافظينه ونحفظ كمان جديد. ولله الحمد
انا شجعني اكتر شي قول قالتلي اياه معلمتي_ ادامها الله_ قالتلي ليش ما تستمري هيك تحفظي كل يوم نص صفحة وما بتخلصي طب لتكوني حافظة القرآن كاملا.. ووقتها بعتبريه هديه لربنا لأنه أنعم عليكي ودخلك كلية الطب!
وبالنسبة للجوال اخي عاصم اذا بتحب البرنامج موجود عندي.. واي مساعدة انا جاهزة... وحلو كتير منك الصلاة في المسجد مع الجماعة. لانها مهمة كتير مش زي ما بفكرو بعض الناس.والله يثبتك على الخير
بس ادعولنا ربنا يوفقنا بالدراسة. وفق الله الجميع

الله يسهل أمرك دكتوورة اسرااء ..

والله يوفقك ويوفقنا في مشواار الطب ..

ها الأيام عندنا أختباااراااات .. والوضع محتاااس .. الله يستر ...

ادعو لنا الله يخليكم ..

وبفترة الأختبارااات لازم الوااحد يكثر من الدعااء والتقرب إلى الله ..


أكرر شكري لك دكتورة اسرااء على ها الموضووع ..

فنحن بحاجة للتقرب إلى الله أكثر وأكثر ...

بارك الله فيك

تحياتي ..

أخيتي العزيزه .. إسراء
من جد احنا كتييييير مقصرين مع كتاب ربنا .. الله يغفرلنا ويسامحنا
أنا منزله القرآن الكريم على جوالي وسرت من مده بسيطه أقرأ جزئيه ولو بسيطه بإلي يقدرني عليه ربي قبل أنام .. والله يجعلنا نستمر ونثبت عليه

أما حكاية إني أقرأ أثناء المحاضرات فدي مستحيييييييييييله .. ليش؟؟
أنا أقلك ليش عشان عندنا ممنوع جوالات الكاميرا وأنا جوالي إلي منزله فيه القرآن بكاميرا أصلاً ما ينزل إلا على أبو كاميرا .. وأصلاً أنا بأخده معايا بالدس بأخاف أكتب تعهد fwn1; ..
لكن ممكن فكرتك تتطبق لمن يكون عندنا بريك أو فترة الصلاة أو حتى بين المحاضرات>> دا لو عندنا وقت
بصراحه خطييييييييييره .. فكره ولا أروع
in14;
دمت لنا بأفكارك الرائعه

ودمت بصحه وسلامه

غريب.. ليش ممنوع الجوال بكاميرا؟
ليش عندكم بتحكموا بنوع الجوال اللي بتحملوه.؟ اول مرة بشوف زي هيك!
انا ما كان قصدي بالمحاضرات نقرأ... بالعكس ما بجوز نقرأ فيها .. كل شي اله وقته
بس بأوقات الفراغ والبريكات متل ما قلتي كله بمشي...
شكرا لك اختي عل الرد... ويا رب تستمري بالقراءة عشان ربنا يباركلك بوقتك
مع خالصص امنياتي

إسراء عزيزتي .. أحب أوضحلك شي بسيط
والله بيني وبينك عندنا الجوالات ممنوعه في المدارس وفي الجامعات ( أقصد الأوساط النسائيه) وحتى الأفراح سارو بيمنعو دخولها .. لأنو وبصراحه احنا في المجتمع السعودي أكيد تعرفي انو عندنا في المدارس والجامعات والكليات والأفراح النساء لوحد والرجال لوحد وللأسف مو كل واحد يستعمل الجوال بإلي يرضي ربنا وللأسف دا شيء سيء في مجتمعنا (أصابع يدك مهي سوى) فناس تستخدمو للحاجات والضرورات وناس تستخدمو في أغراض تانيه ناتجه من وساوس الشيطان وأكيد سمعتي عن مصايب وبلاوي بتسير بسبب دا الجوال >> فكل شي لو خيرو ولو شرو والناس أجناس منها النحاس ومنها الألماس
أتمنى أكون وضحت الصوره ... ولا تستغربي عيشي كتيييير تشوفي كتيييير
دمتي أخيتي بصحه وسلامه

السلام عليكم .

سرقت من وقتي .. بعد الفجر .. قلت خليني أدخل المنتدى ..

ما شاء الله عليكم يا دكتورة إسراء ودكتورة همس متفااعلين ..

الله يعطيكم ألف عااافية . وما تقصرووو ..

على طاري جوالات أبو كاميرا ..

احنا الشبااب هنا في الجامعة كل شووي نفتخر بالجواالات ..

لا وأبشركم . بطلوو أبو كاميرا صايرة أبو كاميرتيين هههههاي .

من القمرين وطاالع ..

بس تعرفوو يا جماعة جوالات أبو كاميرا . نستفيد منها بشكل كبير ..

وخاصة في معامل التشريح ..

الشباااب يصوورو الجثة .. ويصووورو الأشياء المهمة .. ونراجعها سوا ..

بس بقاعة الإختبار أي وااحد يشااهد وهو معااه كااميرا ولو حتى العنيد . بيتوورط ويسحب منه ورقة الإختباار .. لانه الشباااب عندنا ما يقصروو .. اخترعو فنون للتغشيش هههههاي ..

ووابشرك دكتورة أسرااء . أنا نزلت برناامج القرآن الكريم .. وبدأت فيه ..

جزاك الله خير دكتوورة ..


وبالتوفيق ..

ادعو لي .. راجع لملازمي . بس بعد ما ارد عليكم ..

عاصم

ما شاء الله عنك دكتوور عاصم قاعد بتراقب بالأوضاع بغيابك
والله المطرح مطرحك هههههههاي
المهم... على قصة بتستفيد من ابو الكاميرا... والله لسا كنت بدي احكي... انا والله ما كان يهمني لا ابو كاميرا ولا ام بلوتوث... بس عنجد عنجد اني لما جبت واحد اني استفدت كتير ... يعني متل ما قلت دكتورنا... غير بماادة التشريح اللي نصور الجثث... والعظام ( والله ولا فيلم رعب بطلع)ههههههي
المهم غير هاد قعدت اصور بلابات المايكرو والباثو ... tes والعينات ..الخ
وغير هيك احنا كمان عنا بنزل الصور على الياهو القرووب تبعنا... فبقدر كل واحد يشوفهم... والله اختراع جميل... بس كل واحد يستعمله بمحله اللي اخترع مشانه

وعلى قولة اختي همس...الناس أجناس... مزبوط كلامها والله... في ناس ما يستاهلوا...
انا سمعت اختي بالكلام اللي قلتييه وموجود والله وين ما كان مش بس عندكم... بس ما توقعت يمنعوه... عاد عنا بنكون نصور بللابات قدام الناس- قصدي الدكاترة-ما حد بحكي شي ... الشاطر اللي بفرجينا أوضح صورة... حتى والله فيديو كمان .. غير تسجيل المحاضرات بصووت الدكاترة ...والله شكلنا عايشين حياتنا

وبالنسبة لقاعات الاختبار د.عاصم... اكيد ممنوعة منعا باتا... قال اذا واحد رن موبايله بس رن.. تعتبر محاولة غش.. ويطبق عليه قوانين الدستور ههههههي وفنون الغش منتشرة هلأيام.
ما علينا من هالقصص
الزم ملازمك دكتووور.... لا تتحرك الا بعد ان يستتب الامن خخخخخ
والله فرحتني كتير.. ببرنامج المصحف... ترى انا بلشت فيه من زمان ...خلينا نشوف مين حيسبق.. تحياتي وبالتوفيق دكاترتنا المميزين

د.عاصم ود. إسراء كل كلمه قلتوها احنا بنعملها بس في الخفاء يعني نخلي الدكاتره يطلعوا ونشوف احنا شغلنا وعاملين زيكم سوسو قروب ياهو ونخلي الكل يستفيد وكمان الأولاد عندنا جزاهم الله خير صوروا الأبر لمب واللور لمب ونزلوها وفي اختبار البراكتكل استفدنا كتيييييييير
فكل شي له فوائد ومساوئ
smie1;
وبعدين دكتور عاصم ممكن إذا سمحت ما نشوفك في الملتقى لمدة 10 أيام ؟

ياخي حرام عليك هي كلها كم يوم جمّلها بالطول بالعرض .. جمّلها
لا تفارق ملازمك ترى ما بيفيدك غيرها
وإلا .... sm4;
ربي يقوم معاك بإذنه ومع كل واحد عندو امتحانات
in14;

ودمتم بصحه وسلامه

طيب الحمد لله أختي اللي قدرتو تتغلبوا على عنادة الدكاترة وتصوروا
بالسر ولا بالعلن... المهم ندرس ونستفيد من الصور... ترى معظم اسئلة الامتحانات بتيجي منهم
يلا الله يجزيهم الخير الطلاب اللي معك .. اكيد تعبو والله... واحنا كمان شكلهم الطلاب دايما ... اللي بضحوا ...عنا لجنه للدفعة بقومو بكل شي الله يعطيهم العافيه...
عسيرة عاصم... راح ينجن لما يشوفنا متفقين عليه... هو لسا ما شاف شو عملنا بغيابه
هداك الرد كان قبل ما تهددييه.. قال يعني !هههههي
بتعرفي بالنسبة لي ما اقدر اتحمل 10 ايام متواصلة بدون ما اغير جو... بمل بسرعة ... لو محله كل دقيقة بنط هون. ههههي... بس والله ما بجوز هاد الكلام... كل واحد يصبّر حاله بالفترة النكدة.
احنا ما علينا غير ندعيلهم للي بمتحنه... تتهون عليهم المصاعب
وتتفك العقد اللي بالدراسة... ويتفتح المخ... وربنا يعطيهم التركيز ويبارك بأوقاتهم
تحياتي صديقتي وخليك معي دايما... نقوم بالمنتدى بغياب المشرفين