عملية الحاجز الانفي

السلام عليكم

داحمد عثمان
كنت على موعدا ليوم مع الطبيب المتابعه معه وكان هناك اليوم بالعيداه الخارجيه بالمستشفىي استشاري جراحه
قرر الطبيب اليوم بعد استشارة الاستشاري وبعد ان رأى الاشعه المقطعيه وتحدث معي عما اعانيه
قرر اللجؤ للعمليه وقال لي الاستشاري اننا لا اعاني من اي نوع حساسيه ولا جيوب انفيه
وانه كل المشكله عندي سببها انعواج الحاجز الانفي

وحدد موعد لها بشهر يناير نظرا لكثرة العمليات

على ان اقوم اولا يوم13 يناير بعمل تحاليل لم يذكرها لي

الحين انا قلقه جدا
فامي واخواتي خوفوني من العمليه ومضاعفتها وانه ممكن مش يحصل اي تغيير بل ممكن يتغير شكل الانف
او لايتم معالجة الموضوع او انه ممكن المشكله ترجع تاني بعد العمليه

وانا قلقه من هذا

رجاء الافاده
*ما هي التحاليل اللازم قبل العمليه

*وما مضاعفات العمليه وهل يحدث تغيير بشكل الانف او هتاخد وقت على ما الانف ترجع لشكلهاا لطبيعي
ناس بتقولي سنه على ما ترجع الانف للشكل الطبيعي ده غير السواد اسفل العين
وناس تقولي لا 6 شهور
وفي الل بيقولولي لا ده مش منها فايده وانه المشكله بتترد تاني بعد العلميه وبترجع تاني

وانا قلقانه جداا
رجاء الافاده في هذه النقاط
رجاء دكتور احمد
انتظر نصيحتك فانا اثق بك
ولك مني جزيل الشكر

انا عملت العملية و الحمد لله لم يحدث تغيير في الشكل الخارجي ,
استخيري الله , و اختاري طبيب ماهر و توكلي علي الله

انا عملت العملية منذ شهر ولم يحدث اي تغير في الشكل الخارجي للانف

ahmed9111
may
شكرا لكم على تعقيبكم اللي طمني قليلا

والحمد لله انا على ثقه بالطبيب اللي بتابع معه
وادعوا الله انه من اليوم ولحد معاد العمليه بشهر ينابرالقادم بأذن الله لا يحدث اي تغييرات ويكون هو اللي هيتابع حالتي بأذن الله للنهايه

شكرا لكم والله يتم شفائكم على خير يارب

*****
بس لي استفسار هل يمكنني متابعة حياتي وعملي عالكمبيوتر بعد العمليه ولا زي ما سمعت لازم اقعد شهر مش البس النظاره ولا اعمل اي شىء

الشكر لله
متقلقيش من موضوع تغير شكل الانف ده خالص إن شاء الله
انا كنت زيك كدة و قعدت اسال كتير جدا عن الموضوع ده قبل العملية و سألت كذا دكتور و خاصة الدكتور اللي عملت معاه العملية , لغاية ما قالي متخافش هتفضل أمور زي مانت (
بالنسبة لسؤالك , انا الحمد لله عملت العملية يوم السبت , و بعدين روحت شيلت الفتيل يوم الاتنين ( دي تقريبا اصعب فترة - فترة اليوم او اتنين دول بسبب ان الانف مسدود بشكل كامل و بيأثر كمان علي القدرة علي البلع حتي المياه ---مش عارف انتي عارفة العلاقة بين الانف و الاذن ولا لا بس باختصار انا كنت بتعب جدا في البلع بسبب الاحساس بالضغط علي الاذن ) , سيبك من كل ده لانهم كلهم كام ساعة هتقضي اغلبهم نوم إن شاء الله , و بعد ما تشيلي الفتيل هتحسي كان جبل و انزاح إن شاء الله .
و بعديها نزلت الكلية عادي خالص الاسبوع اللي بعديه الحمد لله ( يوم الاتنين تحديدا ) - الفترة دي بس من وجهة نظري هيبقي صعب تنزلي فيها لان لازم يكون في تنظيف مستمر و احيانا بيكون في دم خفيف من الانف .
لكن بعد كدة بقي هتقدري تنزلي عادي جدا إن شاء الله ,
بالنسبة لي انا عشان عملت عملية الغضاريف مع عملية الحاجز الانفي , فعندي مشكلة لحد دلوقتي في القشر اللي في الانف بس ده علي حسب كلام الدكتور بسبب عملية الغضاريف لكن عملية الحاجز الانفي مش بتطول كل ده ( انا بقالي حوالي 6 اسابيع ) .
حاجة كمان اعملي حسابك عليها انك هتحتاجي تاخدي كذا حقنة في اليومين الاولانيين إن شاء الله ( مسكنات و مضاد حيوي و كدة ) .
اما موضوع الكمبيوتر ده فتقدري تقعدي علي الكمبيوتر عادي جدا بعد ما تشيلي الفتيل ( اللي بيبقي بعد 24-48 ساعة من العملية ) إن شاء الله .
و النضارة دي خفيفة اوي يعني و مبيتهيأليش فيها مشكلة خالص يعني بس دي انا مجربتهاش شخصيا يعني ,
مش عارف جيبتي المعلومة بتاعة شهر دي دي منين بس خلي بالك لو بتقراي علي النت , في فرق بين عمليات تجميل الانف و بين عملية الحاجز الانفي , عمليات التجميل فعلا بتاخد وقت طويل حوالي شهر عشان تقدري ترجعي لشغلك ( عرفت الكلام ده من قرايتي من ع النت قبل العملية لما كنت قلقان زيك كدة (
مش عارف في حاجة تاني ممكن اقولهالك ولا لا بس لو في حاجة عايزة تسألي عليها اتفضلي و انا تحت امرك
ربنا يطمنك و يقومك من العملية بالسلامة يا رب

انا المشسكله عندي زيك تمام مش مشكلة حاجز انفي وبس
الحاجز الانفي معووج لجهة اليمين +تضخم في غضاريف الأنف
ولحد الآن مش عارفه هل الدكتور اللي بتاع معاه هيعمل الاتنين سوى ولأ لاني فوجئت بقرا رالعمليهل ومش عرفت اسال عن شىء ووافقت وبس على العمليه
ومش جه ولا كنت عارفه اساله عن ايه لحد لما رجعت البيت وافتكرت اني مش سالته عن اي شىء وبدأـ ادور عالنت وفي ناس قالتلي يفضل الحاجز الانفي تتعمل لوحدها والتضخم بعملهي تانيه لواحدها ايه الحكمه في كده مش عارفه هو دكتور تاني اللي قال كده وانا منتظره رأي الدكتور احمد عثمان هنا بس مع الاسف مش رد عليا لسه

وموضوع الشهر ده فعلا جبته من عالنت لاني مش لاقيه اي حاجه عن عملية الحاجز الانفي كلها علميات تجميل
كتبوا اسبوع ويتشال الفتيل والتجبيسه اللي عالانف و اسبوع تاني اعمال خفيفه مش مجهده
وبتقعد اسبوع مش في اكل غير سوائل بعد العمليه عشان منعا للأجهاد فيالمضغ
وتنام على سراير بزاوية 45 درجه ولازم يكون لراس مرفوعه بالزاويه دي منعا لي اي تضخم او نتافخ بعد العمليه ولسرعة الشفاء

وموضوع الاذن يمكن هو ده السبب الثاني اللي مخليني ان شاء الله متمسكه بالعمليه
لاني بعد صعبوة التنفس بيجي فيالقمام التاني الضغط عالاذ ن اللي تعبني جدااااااااااااااااااااااااااااااااااااااا من الو شهر سبتمبر ولحد يومنا هذا ومش خف ومسببلي دوخه جامده الو ما بتيجي مش بقدر اقف اعمل شىء ومازالت مستمره

وموضوع الغضايف هو الموضوع الوحيد اللي لاقيته عالنت يقول يفضل اما الشفط يعني شفط التضخم او تتعمل بالليزر او المنظار
ولاقيت كيتر اشتكاو من الكي انه سببلهم مشاكل كتير بعد الكي اما فقدوا حاسة الشم او جزء منها او حصلتلهم قشور
ومش عارفه هل هتوصل الحكاهي معي لفين ربنا ييسر
يهمين فقط الحين اني ان شاء الله اعمل العمليه بأذن الله بيناير اللي جاي واخلص منها قبل مارس لاني ببقى كويسه تقريبا بنسبة 60 في المائه بشهرين يناي روفبراير ومن اول مارس ولحد يناير الجاي يعين 10 شهور ببقى تعبانه من الجو ده
ينيار وفبراير لو جالي دور برد هو لالي بتعب فهيم جدا زي اي يوم في ال10 شهور اللي بعدهم

ربنا يستر

بداية , اسف علي التأخير في الرد

بالنسبة لموضع الحاجز الانفي فهو اكيد إن شاء الله هيعمل العمليتين مع بعض , لان عملية الغضاريف بتاخد دقايق بس بعد عملية الحاجز الانفي و الكلاام ده اكدهولي دكتور تاني روحتله قبل ما اعمل العملية ( عشان اتاكد من كلام الدكتور اللي عملت معاه العملية ) , فبيتهيألي صعب يعمل العملية دي لوحدها و دي لوحدها لان هيبقي تعب عليكي كبير جدا عمليتين ورا بعض ده طبعا غير التكاليف اللي هتزيد كتيير , و عموما كلمي الدكتور ع الموبيل و اساليه و هو هيقولك الاتنين مع بعض إن شاء الله , بس الغضاريف هتزود المصاريف شوية .

موضوع الشهر ده بقي غلط جدااا و زي ما بقولك الكلام ده اكيد علي عمليات التجميل , لكن اللي اقدر اكدهولك ان هم يومين بالكتير و هتكوني شيلتي الفتيل إن شاء الله , و بعديها بكام يوم هتقدري تنزلي عادي إن شاء الله ( ده كلام الدكتورين اللي روحتلهم قبل العملية , + ده اللي حصل معايا و الحمد لله ) .
موضوع سرير بزاوية 45 ده برضه غريب جدا , كل اللي حصل معايا انه بعد ما خرجت من العملية علي طول رفعلي راسي بحيث ابقي نايم نومة قريبة شوية من القعدة , لكن بعد ما خرجت من المستشفي في نفس اليوم الطبيعي انك تنامي عادي جدا ( و ده كلام الدكتور اللي عملت معاه العملية , بس طبعا تاخدي بالك متناميش علي وشك ( )

موضوع الضغط علي الاذن ده مش عارف ليه علاقة بالعملية ولا لا , بس اللي اقدر اقولهولك ان الضغط ده هيكون موجود جامد من ساعة ما تخرجي من العملية لغاية ما تشيلي الفتيل ( فترة ال48 ساعة دول ) إن شاء الله , لكن معرفش الضغط اللي عندك اساسا قبل العملية ده هيكون ايه نظامه بعد العملية .



ندخل بقي في موضوع الغضاريف , ( علي حسب كلام الدكتور اللي عملي العملية , و ده قالهولي بعد ما عملتها ) انه في كذا نوع من تقليل حجم الغضاريف , منها الكي ( و ده اللي عمله معايا ) , و منها الاستئصال ( او حاجة زي كدة , ممكن اكون مش فاكر اللفظ بالظبط ) .
هو قالي الكي افضل لان في حالة الاستئصال بتحصل نزيف شديد بعد العملية , و ده الحمد لله محصلش معايا .
اما في الكي فهي مشكلتها معايا لغاية دلوقتي ( بس قلت بنسبة كبيرة اوي الحمد لله ) القشور , حتي هتلاقيني عامل موضوع هنا عن الموضوع ده بس مش هتلاقي رد (
المهم ايا كان , فالقشور دي اهون بكتييير من النزيف إن شاء الله .
بالنسبة لحاسة الشم فهي اصلا عندي من قبل العملية ضعيفة , و تقريبا زي ما هي بعد العملية ( إن مكانتش احسن شوية بسبب اني بتنفس بشكل احسن الحمد لله ) .

و بالنسبة لموضوع يناير ده فمتقلقيش هتبقي طبيعية جدا جدا بعد حوالي اسبوع او 10 ايام من العملية ( باستثناء القشور دي و دي حاجة ملهاش علاقة بالنزول او الخروج او كدة إن شاء الله , و ممكن اصلا تكون حالة استثنائية معايا انا و ميحصلش معاكي كدة , و رغم كدة فانا الحمد لله احسن كتييير دلوقتي بالنسبة لموضوع القشور ده ) .

اتمني مكونش طوّلت عليكي و اسف مرة تانية للتاخير
كل سنة و انتي طيبة

كل سنه وانت طيب يااحمد وبخيروبصحه وبسعاده انت واسرتك يارب
وربنا يتم شفائك على خير
وشكرا ليك انت كتير طمنتني
ويارب يارب يعدي شهر يناير ده على خير واعمل العمليه بدون تأخير واستريح من الهم ده بقى

و انتي بخير و صحة و سلامة يا رب
متشغليش بالك بالعملية و متشيليش همها , الموضوع بسيط جدا إن شاء الله , بدليل انها من عمليات اليوم الواحد , انتي اصلا مش هتحسي باي حاجة إن شاء الله .
ربنا يطمنك و تخلصي العملية علي خير يا رب Fa30