أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح. يجب عليك ترقية متصفحك أو استخدام أحد المتصفحات البديلة.
لعبة الاسعافات الاوليه..دشو واستانسو
زائر
شرايكم نلعب هاذي اللعبه
كل واحد يدش يذكر سناريو عن حالة صارت واحتاجت لاسعافات اوليه..سواء بالبيت..عند البحر..بالشارع ..اي مكان ..وبقية الاعضاء يحاولون يشوفون الحل
موافقين؟؟
يالله انا ببدأ بسم الله
خالد شاب عمره 17 سنه كان ماسك قلم الرصاص..وفجأه تيجة حركه خاطئه انغرس القلم في خده
اذا تبي تسعف خالد شنو رح تسوي عشان تسعف خالد؟؟eyes1;
رح تثبت القلم بمكانه ..ولا بتسحب القلم من مكانه ..ولا شنو بتسوي؟؟
يالله ناطره ردودكم
زائر
أفاااا محد رد eyes1;
ما يخالف هالمره انا رح اعطيكم الرد
بالنسبه لحالة خالد بما انه يقدر يتكلم فهذا معناته ان التنفس طبيعي عنده وماكو عنده اي اختناق نتيجة النزيف ..اذا حصل واسعفت خالد ..ثبت القلم بمكانه عن طريق كوب بلاستيك واذا كان القلم طويل جدا تقدر تكسر الجزء العلوي من القلم مع مراعاة انك ما تأذي المصاب..واترك بقية الامر للاسعاف لما توصل..تكون جذيه اديت واجبك على اكمل وجه
شفتو شلون الجواب سهلsmie1;
طيب خل اذكر الحاله الثانيه واشوف منو الذكي اللي بيقدر يجاوب
اذا كان نفس المصاب خالد ..بس في هاذي المره ما يقدر يتكلم ..يعني صارله اختناق سبب الدم اللي يجري من الجرح الى الحلق..هالمره شنو بتسوون؟؟
بتثبتون القلم بمكانه ولا بتطلعونه من خد خالد المسكين in6;
اما انا راح انام جنبه مغمى علي اكره الدم بدون مايكون الشخص مخدر ولافاقد الوعي فهالحاله عندكم مصابين ههههه ...
زائر
لو سمحت ايش الجواب
زائر
اغااااريد وsaass هههههههههههه وربي ضحكتوني
والاخ العمودي ولا يهمك انا رح اجاوبin14;
بكل بساطه دام المصاب صارله اختناق في الحلق بسبب الدم..انزع القلم من مكانه بنفس الاتجاه اللي دخل منه..وانت تنزع القلم حط اصبعين من داخل الفم عشان تقدر تثبت الخد..وبعدها تقدر تعطي المصاب تنفس اصطناعي مرتين كل تنفس يستغرق ثانيه واحده..واذا حطيت راسك يم فمه وما حسيت انه يتنفس ..تنتقل الى ضغط الصدر ما بين الحلمتين تقريبا من 1.5 الى 2 انشات وتكرر العمليه خمس مرات لحد ما يرجع التنفس الطبيعي..واذا كان احد جنبك يقدر يسيطر على النزيف ويطهر الجرح اللي بخد خالد يكون افضل يعني اثنين في واحدin10;
التعديل الأخير بواسطة المشرف:
زائر
ننتقل للسؤال التالي
ليندا طفله عمرها 6 شهور ..دشت عليها امها الغرفه ولقتها تحاول تكح بس مو قادره
طلعت الحبوبه الصغيره بالعه لعبه..المهم كانت بوعيها وجسمها كان دافي..
يا ترى شنو بتسوي ام ليندا؟؟
اعذروني يمكن اتواصل وياكم بكره لان الليله عندنا عرس
واااااااااو وناااسه بروح اتكشخin10;
زائر
هلا انين الورد
روحي انبسطي بالعرس واشكخي على كيفك
بالنسبه لام ليندا اتوقع تضربها على ظهرها بقوه بس مو مره يمن تنزل اللي بالعته
اما انا بجلس اطالع في ام ليندا
شكرا
زائر
الحمدلله رحت العرس واستاااانستbiggin1;
ما شالله عليج اغاريد الامل اجابتج صحيحه وفعلا مثل ما قلتي مو مره وحده
بالبدايه والدة ليندا الفروض تنوم ليندا على بطنها وتحنيها الى الاسفل باستخدام فخذ الوالده عرفتو شلون
المهم راسها لازم يكون في مستوى اقل من مستوى المعده لان الجاذبيه لها دور كبير في اخراج اللعبه اللي عالقه..
المهم بهاذي الطريقه خمس ضربات بين الكتفين (بس مو بقوه شوي شوي على البنت) in10;واذا ما طلعت اللعبه... والدة ليندا تقلب بنتها بنفس الطريقه بس هالمره تضغط خمس مرات على الصدر..تذكرو الصدر مو البطنin6;..وتكرر العمليه لحد ما تخرج اللعبه من حلق ليندا
أحمد يبلغ من العمر 24 عاما .في يوم من الأيام والدته طلبت منه إنه يقوم بتصليح اللمبه .الأخ أحمد العبقري أخذ الكرسي ووقف عليه..وفجأهnfsed1;
فجأه
فجـأه
فجأه
طااااااااااااااااااااااااااااااااااااااااااااااااااااااااااااااااااح من على الكرسيeyes1;
المهم صار له انتفاخ بأيده اليمين..وضل يصارخ ويصارخ ويصارخ
يممممممممممممممممممممممممممه لحقيييني
طبعا اجت والدة أحمد.واهي تمشي بثقه(الله الله على الامهات)..وأسعفت ابنها أحمد
يالله قولو لي شنو سوت أم أحمد
خمنو قولو اي شي بس ردووووووووووو
زائر
شكرا اخت اميم الورد على هاللعبه المفيده
وبالنسبه للبنت ليندا الحل سهل جدا
اولا : لازم نخلي ليندا تستلقي على ظهرها .
ثانيا : نجيب مكنسه كهربائيه ونحط الخرطوم بفم ليندا .
ثالثا : نطلب من الام تشغير التيار على المكنسه
رابعا : راح تطلع اللعبه من فم ليندا
ملاحظه : يجب غسل اللعبه جيدا
هههههههههههههههههههههههههه
ثانكس اخت انين الورد
هذا فاصل فكاهي
تقبلي تحياتي
زائر
ههههههههههههههههههههه
بموووووووووت من الضحك
وشكرا على البدليه (اميم الورد)
لنا الشرف المحيط العاطفي ان اول مشاركه تكون بموضوعي
زائر
مشكوره اختي انين علي اللعبة المفيدة الله يعطيج العافية بصراحه لعبه ذكيه ومفيدة ونافعه شكرا اختي انين.
زائر
سهلة....... تحني راس الطفلة للأمام و تدخل أصبعين في فم الصغيرة وحاول جذب اللعبة بلطف .
زائر
شكرا فيصل شكرا حسناء على المرور
بس وينج حسنا هاذي الطريقه تستخدمينها اذا كانت الطفله فاقده الوعي
بس يحليلها ليندا للحين بوعيها
المهم شكرا على المشاركه
اكو سؤال ثاني منو بيجاوب عليه؟؟
خاص بالاخ احمد اللي طاح وتكسرeyes1;
زائر
هلا أنين الورد وبكل المشاركين
صراحة مو عارفة أش ممكن تسوي أم أحمد in10;
وشكرا ياحلوه على اللعبة in13;
زائر
رد
اهلا بك اختي
بخصوص احمد المسكينeyes1;
اولا مانحركه من مكانه حتى لايزداد الكسر سوءا
ثانيا اذا كانت يده نحاول نقربها من صدره وبواسطة لفافه نربطها في العنق<<<< والله ماأدري بتفهمون علي او لا..
والمهم نتصل بالاسعاف<<<<< ليش مو من اولها اتصل واريح بالي مسويه نفسها مسعف اوليin10;
أختكم شمس الاصيل
زائر
العفو يا حلوه(أغاريد الأمل) ..
المنتدى يستاهل كل جهودنا
زائر
in14;اختي شمس الاصيل شكرا على المشاركه ..المشكله ان الاسعاف توصل متأخره والمريض محتاج لاسعافات اوليه(اي دقيقه ممكن تعمل تغيير كبير)
المهم بالنسبه لحالة الاخ أحمد
الوالده طبعا أول ما تجي لازم تعمل فحص شامل يسمونه IEاختصارا
= EST(الوضع المريح)
I=IE(الثلج)
=MPESSIN(الضغط)
E=EEVATIN(رفع العضو المصاب عن مستوى القلب)
بعد هذا كله بما انه اكو انتفاخ يعني في احتماليه لوجود كسر..ومثل ما ذكرت الاخت شمس الاصيل يتم تثبيت الايد عن طريق ربطه بالعنق.على فكره المصاب بإمكانه انه يساعد في تثبيت ايده المصابه عن طريق استعمال الايد السليمه(يعني لا تدلعونه وايد)biggin1;
اكو ربطات مختلفه وانشالله انزل لكم صور الربطات وطريقتها بوقت قريب
in14;
زائر
هلا أنين الورد
وحشتيني مووووووووووتedfae1;
جودي طفلة عمرها 3 سنين دائم تحب تدخل دورة المياة أكرمكم الله وأمها تطلعها بسرعه
هالمره غفلت عنها أمها وجودي الله يهديها لقيت علبة مطهر وشربته وفجاة شافتها أمها
أش ممكن تسوي أم جودي ؟؟؟؟؟؟؟؟
بتقدر ام مجدي تشربه كميات كبيره من الماء اوالحليب السائل عشان تخفف الماده داخل المعده وتعادلها
لا يفضل التقيؤ..
يعطيكم العافيه
لعبة مسليه حقا ومفيده جدا
زائر
اختي أغاريد الامل يعطيج العافيه وشكرا على السيناريو الحلو
بالنسبه للحلوه جودي يعتمد على الحاله اللي لقتها امها
1-اذا كانت جودي لا زالت بوعيها وبما ان المحلول مطهر يعني اتوقع انه قلوي فمثل ما ذكرت الاخت sssta تقدر امها تعطيها حليب او كميات من الماء ..وفي حالة ان والدة جودي قدرت تدق على الخدمات اللي بالمستشفى ..يمكن يوصفون لها مشروب اسمه haa (هذا الدواء يعمل كأسفنجه يعمل على حصر التسمم في الجهاز الهضمي ومنع تسرب المطهر الى الدم)فتعطي جودي الحبوبه عشان تشربه..وبعدها تتأكد من ان التنفس طبيعي عندها وتنومها على جهتها اليسرى عشان تأخر عملية نقل المواد الغذائيه من المعده الى الامعاءsmie1;
2-اما اذا كانت الحبوبه جودي مو بوعيها ..فهذي الحاله ..وادة جودي لازم تـاكد ان عملية التنفس عند بنتها عالي العال in14; بعدها تنومها على جهتها اليسرى عشان السبب اللي ذكرناه سابقا واخيرا وليس اخرا تدق على اقرب مستشفى.
زائر
مشكورين sssta و أنين الورد على المشاركة
وأجابتكم صحيحة
أنين الورد أنتي شكلك عندك خبرة بالاسعافات أو ممرضة صح وإلا لا
تحياتي
زائر
هلا أختي أغاريد
لا والله انا مو ممرضه ولا عندي خبره بالاسعافات الاوليه..بس اعرف عنها..يعني مو خبيره
احرجتيني..edfae1;
عموما ناطرين السيناريو الجديد
زائر
السيناريو رقم 4
ساره طالبه عمرها 16 سنه..تعاني من نوبات ربو حاده..وفي يوم من الايام كانو بحصة الرياضه..سارونه أصرت الا تلعب..بس المصيبه صارت لها نوبة ربو قويهin9; وضلت تكح
كح كح كح (الله يعينها) وصار لونها ازرق eyes1; وما قدرت تتنفس
المهم رفيجاتها بالصف طلعو ما شالله عليهم عندهم خبره in14; وعرفو يتصرفو..منو رح يقول لي شنو سوو رفيجات سارووونه؟؟
زائر
أفاااااااااااا
للحين ما جاوب أحد؟؟
معقوله لهاذي الدرجه السيناريو صعب
زائر
اولا (اذا كانت سااره بوعيها): لازم يكون عند الاخت سااره بخاخ الفانتولين الخاص بمرضى الربو وتاخذ لها بختين
ثانيا(اذا لم تكن بوعيها):على زميلاتها ان يرفعوا رأسها (اي يكون مستوى الراس اعلى من مستوى باقي الجسم) او بوضع يديها فوق رأسها ثم يستدعون الاسعاف حتى يزودوها بالاوكسجين
عسى يكون جوابي صحيح
زائر
أبغ أدوية الكحة
زائر
بسرعة الله يخليكم
زائر
يعطيج العافيه miss math
فعلا اجابتج صحيحه ومفصله
ويالله كملي المشوار وحطي سيناريو حلو
