زائر
تعرف إيه عن الأكل اللي بتاكله؟
البروتينات:
إيه؟
الحاجات اللي فيها بروتين:
اللحمة (أكيد!)
الدواجن (يعني أى حاجة بتكاكي)
البقوليات (فوووول وعدس)
بيض (أبو من غير أنفلونزا الطيور )
مكسرات (زي السوداني)
ليه؟
أجسامنا محتاجة بروتين... علشان تبني وتحمي وتصلح نفسها وكمان علشان تعمل الهيموجلوبين. الإيه؟؟!!! الهيموجلوبين ده حاجة أساسية في الدم. وكمان، البروتين من الحاجات اللي بتشبع قوي في الأكل، علشان بيتهضم بطئ. فكرفي ساندوتش الفول ...
خذ بالك!
مهم قوي نحاول ننوع في البروتينات اللي بناكلها علشان كل نوع له فايدة مختلفة.
البروتينات حاجة جميلة وكل حاجة، بس مينفعش ناكل بروتين بس. ده ممكن يأثرعلى الكلى ويعملك مشاكل. ده سبب تاني يخليك تنوع في الأكل.
النشويات:
إيه؟
الحاجات اللي فيها نشويات:
عيش
رز
مكرونة
بطاطس
فريك
ليه؟
النشويات بتدينا طاقة. إزاي؟ اجسامنا بتكسر النشويات لسُكريات بسيطة بتجري في الدم كمصدرطاقة.
خذ بالك!
لما بتاكل نشويات كتيرة أو حاجات حلوة بس وحركتك مش كتيرة، هدومك حتبتدي تضيق والرقم اللى على الميزان حيعلى. وفي نشويات بتشبعنا اكتر من نشويات تانية. يعني ساندوتش الفول على رغيف بلدي حيشبعك اكثر من ساندوتش مربى على عيش فينو. ليه؟ علشان العيش البلدي ده فيه الياف (الردة) مش موجودة في العيش الفينو وجسمك بيهضم الألياف ببطء، يعني مش حتجوع على طول. الحاجة التانية إن المربى دي معظمها سكر، هضمه سريع والفول بالعكس، زي ما قلنا لما كنا بنتكلم عن البروتين.
الألبان:
إيه؟
لبن
زبادي
رايب
جبنة
مهلبية
أيس كريم
ليه؟
لازم تشرب اللبن. كلنا عارفين وحافظين اللي حصل لعادل لما ماشربش اللبن الصبح. بالنسبة لعادل أصحابه ضحكوا عليه. بس بالنسبالك الموضوع أكبرمن كده شوية. الألبان فيها بروتين كتير وكمان الألبان بتساعد على منع الهشاشة في العظام.
خذ بالك!
الألبان فيها دهون كتيرة، حاول تختار حاجات قليلة أو منزوعة الدسم.
الدهون:
إيه؟
كل حاجة فيها دهن. بس حاجات أكتر من حاجات. الحاجات اللي بنعتبرها دهنيات هي:
سَمنة
زبدة
زيت درة
زيت زيتون
زيت عباد الشمس
زيت حار
ليه؟
الدهون مصدر طاقة وكمان بتساعد الجسم يمتص الفيتامينات، وبتساعد على عمل الهرمونات، وكمان بتحمي الأعصاب وأعضاء زي الكلى.
خذ بالك!
الكمية اللي أحنا محتاجينها من الدهون قليلة جداً. فالمهم ناخد بالنا إن مناكلش حاجات دسمه كتير. زى إيه؟
أنواع اللحمة
القشطة
المكسرات
البط
خذ بالك أن كتر الدهون اللي جايه من الحيوانات (اللي هي الدهون الصلبة - زي الزبدة) خطرعلى القلب. حاولوا تبدلوهم على قد ما تقدروا بزيوت.
خضار وفاكهة:
إيه؟
حاجات من اللي قلبك يحبها:
كوسة
خس
طماطم
بطيخ
عنب
... يعنى انتوا فاهمين الفكرة
ليه؟
حنقولكم إيه ولا إيه! الخضار والفاكهة مهمين جداً! فيهم ألياف وفيتامينات ومعادن كتير أوي. حنخش في تفاصيل في جزء الفيتامينات والمعادن. لما تاكل خضار كتير ده بيساعد على حمايتك من أمراض القلب، وسرطان الأمعاء، وهشاشة العظام.
خذ بالك!
المفروض ناكل على الاقل 2-3 كوب خضار في اليوم.
الفاكهة فيها سكر، فحاول متكترش قوي.
فيتامينات ومعادن:
إيه؟
فيتامين- أ
فيتامين- ج
فيتامين- د
فيتامين- هـ
فيتامين- ك
كالسيوم
بوتاسيوم
حديد
زنك
ليه؟
ديه حكاية طويلة:
فيتامين- أ
بيساعد النظر وبيساعدك تشوف الوان وتشوف في الظلمة كمان.
الحاجات اللي فيها فيتامين- أ: الكبدة والجزر والبطاطا (كل الخضار اللي لونه برتقالي) والسبانخ.
فيتامين- ب
بيساعد في تكوين كرات الدم الحمرا ، اللى هي بتشيل الأكسوجين للجسم كله. يعني لما تبقى بتجري علشان تلحق الأوتوبيس، وماتلحقوش... يبقى محتاج فيتامين- ب!
حاجات كتيرة فيها فيتامين- ب زي: الأسماك واللحوم والدواجن والبيض والألبان والخضار اللي الورق بتاعه أخضروالبقوليات.
فيتامين- ج
مهم جداً علشان الأنسجة بتاعة الجسم زي العضلات واللثة. وكمان بيساعد المناعة تطرد وتمنع أى التهابات.
حاجات كتيرة فيها فيتامين-ج زي: الحمضيات (الليمون، البرتقال) والكانتالوب والفراولة والطماطم والكرنب.
فيتامين- د
فيتامين- د هو اللى بيخلي عظمك ناشف، وكمان أسنانك قوية. فيتامين- د بيساعد الجسم يمتص الكالسيوم علشان ماتتكسرش.
حاجات فيها فيتامين – د: السمك وصفار البيض واللبن والمكسرات والكبدة.
فيتامين- هـ
فيتامين- هـ ده بتاع كله، بيساعد العيون والجلد والكبد كمان. وبيحمي الرئة من الثلوث وكمان
مهم في تكوين كرات الدم الحمرا. مش قلتلك بتاع كله!
حاجات فيها فيتامين- هـ: القمح والخضار اللي الورق بتاعه أخضر والسردين وصفار البيض والمكسرات واللب كمان!
فيتامين- ك
لما بتتعور إيه اللي بيوقف الدم؟ فيتامين- ك بيساعد في الموضوع ده.
حاجات فيها فيتامين- ك: الخضار اللي الورق بتاعه أخضر والألبان.
كالسيوم
زي الفيتامين- د، الكالسيوم أساسي للعظام القوية والأسنان الجامدة.
حاجات فيها كالسيوم: الألبان والخضار اللي الورق بتاعه أخضر.
بوتاسيوم
بيساعد الأعصاب والعضلات تشتغل صح!
حاجات فيها بوتاسيوم: الموز والطماطم والبطاطس بقشرتها والحمضيات (الليمون، البرتقال) والخضار اللي الورق بتاعه أخضر والبقوليات زي السوداني واللوبيا.
حديد
إيه رأيك في الأكسوجين؟ من غيره مانعرفش نتنفس. الحديد مهم زي الأكسوجين. ليه؟ علشان بيساعدنا نعمل الهيموجلوبين. الهيموجلوبين ده حاجة أساسية في كرات الدم الحمرا بتشيل
الأكسوجين. صدقتوني؟
حاجات فيها حديد: لحمة وبالذات اللحمة الحمرا والتونة والبيض والخضار اللى الورق بتاعه أخضر والبقوليات زي السوداني واللوبيا والقمح.
زنك
بيساعد المناعة وبيحمينا من الالتهابات.
حاجات فيها زنك: اللحمة الضاني والبقوليات زي السوداني واللوبيا.
المية:
إيه؟
كلنا عارفين المية بتروي العطشان، بس بتعمل أكتر من كدة بكتير.
ليه؟
كلنا محتاجين ميه علشان نعيش.70% من جسمنا مية! بنحتاجها لكل حاجة، لما بنعرق، مية! لما بنهضم بنحتاجها وكمان علشان نخش الحمام! لازم نشرب مية كفاية علشان بتساعد الكلى وحتى الجلد كمان.
خذ بالك!
في الأيام الحر أو لو بنعمل حاجة بتخلينا نعرق كتير، زي لعب كورة، حنحتاج نشرب مية أكتر.
منقول
البروتينات:
إيه؟
الحاجات اللي فيها بروتين:
اللحمة (أكيد!)
الدواجن (يعني أى حاجة بتكاكي)
البقوليات (فوووول وعدس)
بيض (أبو من غير أنفلونزا الطيور )
مكسرات (زي السوداني)
ليه؟
أجسامنا محتاجة بروتين... علشان تبني وتحمي وتصلح نفسها وكمان علشان تعمل الهيموجلوبين. الإيه؟؟!!! الهيموجلوبين ده حاجة أساسية في الدم. وكمان، البروتين من الحاجات اللي بتشبع قوي في الأكل، علشان بيتهضم بطئ. فكرفي ساندوتش الفول ...
خذ بالك!
مهم قوي نحاول ننوع في البروتينات اللي بناكلها علشان كل نوع له فايدة مختلفة.
البروتينات حاجة جميلة وكل حاجة، بس مينفعش ناكل بروتين بس. ده ممكن يأثرعلى الكلى ويعملك مشاكل. ده سبب تاني يخليك تنوع في الأكل.
النشويات:
إيه؟
الحاجات اللي فيها نشويات:
عيش
رز
مكرونة
بطاطس
فريك
ليه؟
النشويات بتدينا طاقة. إزاي؟ اجسامنا بتكسر النشويات لسُكريات بسيطة بتجري في الدم كمصدرطاقة.
خذ بالك!
لما بتاكل نشويات كتيرة أو حاجات حلوة بس وحركتك مش كتيرة، هدومك حتبتدي تضيق والرقم اللى على الميزان حيعلى. وفي نشويات بتشبعنا اكتر من نشويات تانية. يعني ساندوتش الفول على رغيف بلدي حيشبعك اكثر من ساندوتش مربى على عيش فينو. ليه؟ علشان العيش البلدي ده فيه الياف (الردة) مش موجودة في العيش الفينو وجسمك بيهضم الألياف ببطء، يعني مش حتجوع على طول. الحاجة التانية إن المربى دي معظمها سكر، هضمه سريع والفول بالعكس، زي ما قلنا لما كنا بنتكلم عن البروتين.
الألبان:
إيه؟
لبن
زبادي
رايب
جبنة
مهلبية
أيس كريم
ليه؟
لازم تشرب اللبن. كلنا عارفين وحافظين اللي حصل لعادل لما ماشربش اللبن الصبح. بالنسبة لعادل أصحابه ضحكوا عليه. بس بالنسبالك الموضوع أكبرمن كده شوية. الألبان فيها بروتين كتير وكمان الألبان بتساعد على منع الهشاشة في العظام.
خذ بالك!
الألبان فيها دهون كتيرة، حاول تختار حاجات قليلة أو منزوعة الدسم.
الدهون:
إيه؟
كل حاجة فيها دهن. بس حاجات أكتر من حاجات. الحاجات اللي بنعتبرها دهنيات هي:
سَمنة
زبدة
زيت درة
زيت زيتون
زيت عباد الشمس
زيت حار
ليه؟
الدهون مصدر طاقة وكمان بتساعد الجسم يمتص الفيتامينات، وبتساعد على عمل الهرمونات، وكمان بتحمي الأعصاب وأعضاء زي الكلى.
خذ بالك!
الكمية اللي أحنا محتاجينها من الدهون قليلة جداً. فالمهم ناخد بالنا إن مناكلش حاجات دسمه كتير. زى إيه؟
أنواع اللحمة
القشطة
المكسرات
البط
خذ بالك أن كتر الدهون اللي جايه من الحيوانات (اللي هي الدهون الصلبة - زي الزبدة) خطرعلى القلب. حاولوا تبدلوهم على قد ما تقدروا بزيوت.
خضار وفاكهة:
إيه؟
حاجات من اللي قلبك يحبها:
كوسة
خس
طماطم
بطيخ
عنب
... يعنى انتوا فاهمين الفكرة
ليه؟
حنقولكم إيه ولا إيه! الخضار والفاكهة مهمين جداً! فيهم ألياف وفيتامينات ومعادن كتير أوي. حنخش في تفاصيل في جزء الفيتامينات والمعادن. لما تاكل خضار كتير ده بيساعد على حمايتك من أمراض القلب، وسرطان الأمعاء، وهشاشة العظام.
خذ بالك!
المفروض ناكل على الاقل 2-3 كوب خضار في اليوم.
الفاكهة فيها سكر، فحاول متكترش قوي.
فيتامينات ومعادن:
إيه؟
فيتامين- أ
فيتامين- ج
فيتامين- د
فيتامين- هـ
فيتامين- ك
كالسيوم
بوتاسيوم
حديد
زنك
ليه؟
ديه حكاية طويلة:
فيتامين- أ
بيساعد النظر وبيساعدك تشوف الوان وتشوف في الظلمة كمان.
الحاجات اللي فيها فيتامين- أ: الكبدة والجزر والبطاطا (كل الخضار اللي لونه برتقالي) والسبانخ.
فيتامين- ب
بيساعد في تكوين كرات الدم الحمرا ، اللى هي بتشيل الأكسوجين للجسم كله. يعني لما تبقى بتجري علشان تلحق الأوتوبيس، وماتلحقوش... يبقى محتاج فيتامين- ب!
حاجات كتيرة فيها فيتامين- ب زي: الأسماك واللحوم والدواجن والبيض والألبان والخضار اللي الورق بتاعه أخضروالبقوليات.
فيتامين- ج
مهم جداً علشان الأنسجة بتاعة الجسم زي العضلات واللثة. وكمان بيساعد المناعة تطرد وتمنع أى التهابات.
حاجات كتيرة فيها فيتامين-ج زي: الحمضيات (الليمون، البرتقال) والكانتالوب والفراولة والطماطم والكرنب.
فيتامين- د
فيتامين- د هو اللى بيخلي عظمك ناشف، وكمان أسنانك قوية. فيتامين- د بيساعد الجسم يمتص الكالسيوم علشان ماتتكسرش.
حاجات فيها فيتامين – د: السمك وصفار البيض واللبن والمكسرات والكبدة.
فيتامين- هـ
فيتامين- هـ ده بتاع كله، بيساعد العيون والجلد والكبد كمان. وبيحمي الرئة من الثلوث وكمان
مهم في تكوين كرات الدم الحمرا. مش قلتلك بتاع كله!
حاجات فيها فيتامين- هـ: القمح والخضار اللي الورق بتاعه أخضر والسردين وصفار البيض والمكسرات واللب كمان!
فيتامين- ك
لما بتتعور إيه اللي بيوقف الدم؟ فيتامين- ك بيساعد في الموضوع ده.
حاجات فيها فيتامين- ك: الخضار اللي الورق بتاعه أخضر والألبان.
كالسيوم
زي الفيتامين- د، الكالسيوم أساسي للعظام القوية والأسنان الجامدة.
حاجات فيها كالسيوم: الألبان والخضار اللي الورق بتاعه أخضر.
بوتاسيوم
بيساعد الأعصاب والعضلات تشتغل صح!
حاجات فيها بوتاسيوم: الموز والطماطم والبطاطس بقشرتها والحمضيات (الليمون، البرتقال) والخضار اللي الورق بتاعه أخضر والبقوليات زي السوداني واللوبيا.
حديد
إيه رأيك في الأكسوجين؟ من غيره مانعرفش نتنفس. الحديد مهم زي الأكسوجين. ليه؟ علشان بيساعدنا نعمل الهيموجلوبين. الهيموجلوبين ده حاجة أساسية في كرات الدم الحمرا بتشيل
الأكسوجين. صدقتوني؟
حاجات فيها حديد: لحمة وبالذات اللحمة الحمرا والتونة والبيض والخضار اللى الورق بتاعه أخضر والبقوليات زي السوداني واللوبيا والقمح.
زنك
بيساعد المناعة وبيحمينا من الالتهابات.
حاجات فيها زنك: اللحمة الضاني والبقوليات زي السوداني واللوبيا.
المية:
إيه؟
كلنا عارفين المية بتروي العطشان، بس بتعمل أكتر من كدة بكتير.
ليه؟
كلنا محتاجين ميه علشان نعيش.70% من جسمنا مية! بنحتاجها لكل حاجة، لما بنعرق، مية! لما بنهضم بنحتاجها وكمان علشان نخش الحمام! لازم نشرب مية كفاية علشان بتساعد الكلى وحتى الجلد كمان.
خذ بالك!
في الأيام الحر أو لو بنعمل حاجة بتخلينا نعرق كتير، زي لعب كورة، حنحتاج نشرب مية أكتر.
منقول