ماهي اسهل طريقه للتخلص من الجنين المتوفي

علمت مؤخراً ان الجنين متوفي منذ مايقارب اسبوع ونصف حيث ان عمره تقريباً 7 اسابيع
والمشكله الآن في كيفية التخلص منه وتنظيف الرحم دون عملية تنظيف اي بطرق اخرى وفي حالة انه لابد منها هل من ضرر فيها حيث انه الحمل الأول بالنسبة لي وانا اجهل في مثل هذه الأمور

اول حبيبتي لازم تروحي عند الطبيب لان لو ماسويتي تنظيف يصعب الحمل وتكون عندك مشاكل لا تخافي الموضوع سهل ان شاء الله
ويمكن اي شئ تسويه خطر على صحتك
لكن اشربي حلبة فاهي ممتازه لتنظيف وايضا تدهنيفي منطقة البطن واسفل الظهر بالفكس الازرق
واتمنى لك الشفاء العاجل باذن الله

الله يعوض عليك اختي
انا في حملي السابق كان عندي نفس حالتك وعملت شفط لما بالرحم aspiatin.ما حسيت بشيء لانهم خدروني و اخدت من بعد مضاد حيوي والحمد لله على كل شيء
احب اسالك اختي ايش قالت لك الطبيبة عن سبب وفاة الجنين

شوفي حبيبتي انا الان نفس حالتك بالضبط.....
وقالت لي الطبيبه استني اسبوع ان شاء الله ينزل لوحده....اذا مانزل فيه حبوب تنزله.....لكن اذا انت في السعوديه فلا يوجد الا في الحكومي....
واذا اردتي علاج طبيعي,,,,,فعليك بأكل الرشاد اذا ميت ينزل واذا فيه امل يحيا بأذن الله راح يرفعه ولا ينزل....والاهم انه اذا نزل ينظف الارحام من كل شي....
بصراحه انا استخدمه,,,,الان...
الله يعوضنا خــــــــــــــير......

كل حاله مختلفه عن الثانيه ونصيحتي لج ولكل واحده نفس الحاله انها ماتهمل نفسها وتتهاون في الموضوع
واول شي تسوينه تروحين المستشفى وبيحددون لج طريقة خروج الجنين
اذا كان صغير وايد ممكن ينزل بروحه وإذا تحتاجين حبوب تنزله بيقولون لج
واحيانا يخلونج عندهم في المستشفى ويعطونج تحاميل تنزل الجنين تشبه الطلق الصناعي وتكونين تحت المراقبه اذا نزل مايحتاج عملية تنظيف بس يتأكدون عن طريق اشعه للرحم انه مافي بقايا واذا مانزل يسوون لج تنظيف للرحم
الحاله الثالثه هي عمليه تنظيف الرحم وهي تحت المخدر وماتحسين فيها بشي ومالها اضرار إن شاء الله
وانا في كل اسقاطاتي لازم عملية تنظيف للرحم واحياناً تنظيف وشفط للجنين اذا ماطلع الجنين لاني اعاني من نزيف وفي هالحاله ماينفع مع النزيف لاحبوب ولا تحاميل لازم تنظيف وتكونين مخدره وماتحسين بشيء ان شاء الله وياليت اتابعين حالتج في المستشفى من البدايه اذا طول في رحمج بتتعبين
انا مره تاخرت شهر بعد ماعرفت انه توفى في رحمي وماشفت خير في البدايه كان ينزل علي دم خفيف وعلى فترات واحيانا بني خفيف وينقطع بس بعد مرور شهر وبعد ماحددوا يوم للعمليه صادني نزيف لاني تاخرت نزيف يخوف مافي شي يمنعه وياليتني كنت عندهم في المستشفى !! للأسف كنت في بيت هلي عند اخواني وخواتي وعيالهم واطفالي الصغار على بالي كالعاده بينطرني يوم واحد بعد لين اروح المستشفى واتنوم في يوم العمليه المحدد بس فاجأني وماقدرت اسيطر عليه وكان منظر الدم في كل مكان الحمام غرق كل ماحاول ابدل اوسخ اكثر كنت انتفض منظر الدم واللون الاحمر الغامق في كل مكان كرهت منظر الدم واللون الاحمر من اللي شفته اي مكان امشي يكون فيه دم وغير السياره وحالتي وشعوري في الطريج حاله مايعلمها الا الله وفي الطواري الطبيبه ماقدرت تكشف علي الدم مو مخليها تشوف وتحدد عدل والدم صار يطلع بكميات كبيره ومتجلط بحجم كبدة الخروف واضطروا بسرعه يدخلوني العمليات وبسرعه بدلولي ملابسي ولاني ماكنت مستعده للعمليه وكنت ماكله دخلوا انبوب لمعدتي يشفط الاكل علشان ماختنق من البنج لاني مو صايمه وعانيت منه بعد العمليه لاسبوع ماقدر ابلع ولا اقدر اتكلم وآلام في معدتي ورقبتي وجسمي كله وصحيت من العمليه وانا اصيح من الالام اللي احس فيها وجسمي كله كأنه فيه شد عضلي وماقدر اتحرك أو اقعد من السرير الا بمساعده وعطوني مسكنات كثيره في كل مره اسوي تنظيف ماكنت اخذها مادري اشسووا فيني او انا شصار لي هالعملية غير عن كل مره اسوي فيها عملية تنظيف كنت اقوم من البنج وانا مرتاحه وماكنت اطول في العمليات ربع ساعه تقريبا أواقل الا وانا بخير وبدون نزيف واتكلم معاهم لاني اكون عندهم في المستشفى وخذوا الوزن والطول وتابعني طبيب التخدير واكون صايمه من الليل لكن هالمره لا كان عذاب كبير والسبب التأخير
ياليت انتي والاخت عصير افوكادو ماتتأخرون إذا تأكدتوا أكثر من مره أنه ميت فخلوا الطبيبه تحدد لكم طريقة خروجه وتتابع حالتكم وبدون تأخير وإهمال

والله يعوضكم خير ان شاء الله