مليت من هالوزن مليت !!:( متى انحف ااه ياليت

السلام عليكم ورحمه الله وبركاته
شخباركـم ان شـاء الله زينين
حبيت افضفض لكــم وابي منكــم الله وأنكم تساعدوني بعد الله سبحانه

أنــا
{عمري 22 سـنهـ
طولي 160
وزني 106 Ppe_Pis_y}

هذ مشكلتي أن وزني زايد بدرجــه مخيفه وغير كذا أنا جسمي مترهل حييييييل حييييييل بشكل كبير ! وهنــا مشكله من نوع ثـاني
الاراده عندي صـفر لاني ابغى نتايج سريعه وبنفس الوقت ما اقدر اصبر مده طويله
حاولت في الرجيمات لكن اخذ يومين راحه ترجع كل الوزن الي خسرته

حلمي اسوي عمليات شفط الدهون أو عمليات تصغير معده
لكن ابوي رافض هالشي بشكل كبير

أنــا عارفه ان الاراده هي كل شـي والرياضه لازم تكون جزء اساسي من حياتي بس مشكلتي وين امارس الرياضه في ديرتي ما اقدر ادش نادي اهلي رافضين ورافضين اروح للمشـى !!
وانا أمل من اني امشي بالبيت لانه ملل ملل حسو بشعوري والله ملل Ppe_Pis_y
عندي سير بالبيت بس ما استخدمه لان ملل والله ملل ومافيه وقت Ppe_Pis_y

ابي رجيم ينفع لـ بنت بعمري ولسى تدرس بالجــامعه !!
الله يخليكم ويوفقكم بدعي لكــم من قلب لاتطنشوني والله نفسيتي زفت وصـايره ما اطلع من البيت وهذا السبب .. حلم الزواج نسيته وعندي 3 خوات اصغر مني خايفه عليهم من العنوسه بسبتي Ppe_Pis_y

ارجـوك ساعدوني لاتبخلون علي بالنصـايح !!
دعواتي لك من رد وكل من دعــا لي الله يجزاكم خير

والله اختي اني حاس بمعاناتك...لكن صدقيني بدون اراده ما راح توصلين لأي نتيجة... لازم يكون لك هدف

حاولي تحطين هدف قدامك... مثلا انك اذا ضعفتي بتتزوجين او انك بتسوين اشياء وانتي متينه ماقدرتي تسوينها..

حاولي تخففين من اكلك..وبالنسبه لي مقومات الريجيم ترتكز على 3 ركائز او اركان اذا فقدتي واحد منهم ما راح تضعفين وتحققين الهدف اللي رسمتيه.. 1-الريجيم (الدايت) 2-الرياضه 3-(اهم شي) الاراده والعزيمه..

انا ما اقول انك بتضعفين او ما راح تضعفين.. الامر كله راجع لله ثم لك وبعملك والسعي في انقاص الوزن...

صدقيني لما تخفين من الشحوم راح تصيرين انسانه ثانيه والله وهذا اللي صار معي انا كنت 130 وطولي 170 والحين 87 كيلو الحمدلله... ان شالله اختي بتضعفين وبتحققين اللي ببالك اهم شي امشي على الخطوات اللي قلتها لك وصدقيني بتنالين اللي تبينه...

اما بالنسبه للريجيم فكلي اللي تبين ببالك اهم شي خففي من الدهون والسكريات والنشويات مو تمنعينهم عنك..يعني خففي منهم وكثري من الفواكه والخضار المسلوقه والبروتينات اللي هي اللحوم والاسماك والدجاج طبعا مشويه او مسلوقه براحتك.. الببيبسي ومشتقاته كله او بالأحرى الغازيات شيليها من بالك او اذا ما قدرتي خليكي على الدايت ببسي والعصائر الطازجه والماء...
حاولي تقسمين الوجبات اللي هي 3 وجبات رئيسيه باليوم فطور وغداء وعشاء الى 5 وجبات خفيفه (يعني مو تضربين بالخمس .......

اما بالنسبه للرياضه ومثل ما تفضلتي وقلتي ان عندك السير حاولي تستعملين معاه اشياء ثانيه تسليك..(مثلا حطي التلفزيون قدام السير عشان ما تحسين بالوقت او استخدمي الايبود.. وبعدين نوعي الرياضات مثلا نط الحبل ,الصعود والنزول من الدرج, السباحه,الاثقال الخفيفه ,تمارين الايروبيكس (السويدي) اي رياضه تقدرين تسوينها بالبيت...اهم شي لا تتكاسلين ولا تقولين والله الوقت قدامي بيكون طويل ,او تحملين نفسك مشاكل اكبر من طاقتك,...اهم شي فكري باللي راح تفوزين فيه بعد الضعف..

خلي ايمانك بالله قوي وان شالله كل شي راح يكون تمام التمام

وانا راح اكون معك اذا تبغين على عيني وراسي...

تحياتي لك

الله يجبر بخاطرك زي ماجبرت بخاطري
ومشكـور وماقصرت على ردك الي رفع معنوياتي كثير
الله لايحرمك من شـي في بالك يــارب
بس أخوي يعني ابي اسالك أنت وزنك كان 130 ونقصت ماشاء الله
بالله تقولي ايش سـويت بسوي زيك
مليت والله مليت
وكلامك ان شـاء الله بطبقه
وياليت انا بحاجــه لمسـانده ودعم

تسلمين اختي المها...

بالنسبه لريجيمي انا حاطه بموضوعي هنا بالمنتدى بعنوان(سمين سابق)
وهذا رابط الموضوع
وراح تلاقينه بالصفحه رقم 4 داخل الموضوع...

واي سؤال انا حاضر

تحياتي

السلام عليكم ورحمة الله وبركاته
اختي لاتياس وحاولي اتسوين تخفيف وبعدين ابدي برجيم ادري ان مافيه اراده والحال من بعضه الله يعينا انشاء الله