نداء الى الجميع وخصوصا وليد 2006

متى سوف ترجع الى المنتدى اريد نظام رجيم مناسب لي
انا خجولة من ذكر وزني نظرا لزيادته المفرطة
حبيت ان اشارك عسى ان اجد الرجيم المناسب لديكم فساعدوني
انا عمري 21
وطولي 152
ووزني 110
وفصيلة دمي (+)
علما بأني كسولة جدا
اتمنى الوصول للوزن المثالي في اسرع وقت ممكن في اقل من ثلاثة شهور
مع خالص شكري وامتناني
ساعدني

الله يخليكم ساعدوني لجات لكم من بعد الله
ســـــــــــــــــــــــــــــــــــاعــــــــــــــــــــــــــــــــــــدونــــــــــــــــــــــــي

اهلا بيكى اختى الكريمة صفصافة
ان شاء الله كل مشكلة وليها حل انا هكتبلك
تجربتى مع الخسسان وان شاء الله تستفيدى منها
ثوانى وهكون حطالك الرد
تحياتى

السلام عليكم ورحمة الله وبركاته

اذيك يا صفصافة
انا هقولك نصايح اساسية تمشى عليها فى حياتك وان شاء الله يقل وزنك
بغض النظر عن انك عاملة نظام غذائى ولا لا بس انا هحكيلك عن تجربتى

انا عندى 22 سنة
طول عمرى تخينه من وانا صغيره وعملت ريجيمات كتيره قوى وكنت يخس فعلا لكن المشكله انى كنت بزهق على طول وكنت برجع تانى لوزنى التخين .............. وكنت دايما بدور على حل للموضوع ده لحد الحمد له ما توصلت لحل للمشكله

عايزه تعرفى الحل ايه وعن تجربه ؟؟؟؟؟
*
*
*
*
*
*
*
*
الحل انك تغيرى سلوكياتك فى الاكل
والله العظيم هو ده الحل .......فعلا
بدون مبالغه رقم واحد فى الريجيم هو التغيير فى السلوكيات ........ عارفه المشكله عندى انى كنت سريعه قوى فى الاكل وطبعا زى ما انتى عارفه ان السرعه فى الاكل بتخلى كمية الاكل المتناوله اكتر لان مراكز الشبع بتعمل بعد فتره معينه من تناول الطعام فلما بتاكلى بسرعه بتكونى كلتى كميات كبيره وفى نفس الوقت بتكزن لسه مراكز الشبع ماشتغلتش

اذا 1- التقليل من سرعة الاكل

وانا هقولك انا عملت ايه : عشان اقلل من سرعة الاكل ابتكرت طريقه
وهى : انى اكل معلقه وبعدين امضغها كويس وبعد كده امتنع عن الاكل لحد ما استغفر خمس مرات وبعدين اخد معلقه تانيه وهكذا.

والطريقه دى منها بتبطئى من سرعة الاكل وفى نفس الوقت بتلزمى الاستغفار عشان ربنا يفرج همك وكربك ويرزقك العزيمه لعمل الريجيم

(من لزم الاستغفار جعل الله له من كل ضيق مخرج ومن كل هم فرجا ورزقه الله من حيث لايحتسب)


ثانيا : لازم تغيرى من نوعية الاكل

ياعنى مثلا انتى عارفه احنا كبنات محتاجين اغذيه معينه عشان جمالنا ونضارتنا وجمال شعرنا وتاخر ظهور التجاعيد فى بشرتنا ...............
والغذيه دى زى :
الخضراوات الورقيه ( الجرجير )وده مهم جدا للتخسيس كمان لانى سمعت من دكتور فى معهد البحوث بيقول عليه انك لو اكلتيه بانتظام تخسى + بيغذى الشعر + بيحتوى على الحديد عشان خدودك تبقى حمره
ووشك يكون نضر
وجميع انواع الخضراوات مهمه جدا لنضاره البشره والتخسيس لان
سعراتها الحرارية قليله جدا .......... ياعنى كلى منهاعلى قد ما تقدرى مش هتتخنى لان كمان السعرات الحراريه الى الجسم بيستهلكها فى حرقها عاليه جدا برده ياعنى كلها فايده

اذا 2- السلطه والخضار (مهم جدا )
3- الزبادى ( فيه دراسه اجريت فى معهد البحوث المصرى) وتؤكد هذه الدراسه ان الزبادى مهم جدا لتقليل البطن ياعنى لو عملتى ريجيم وتناولتى الزبادى 3 مرات فى الاسبوع تزودى معدل الحرق عندك فبالتالى يزيد عندك حرق الدهون وتخسى خصوصا من البطن

4- المشروبات ( حاولى تقللى من السكر فى المشروبات)

عارف يا حبيبتى انا بشرب دلوقتى المشروبات من غير سكر خالص
وبحث بنكهه جميله لكل المشروبات حاولى تقللى السكر شويه بشويه

هههههههههههه بيقولوا ان الطبقة الارستقراطيه هى الى بتشرب الشاى من غير سكر ههههههههههههه خليكى ارستقراطيه

فيه مشروبات بيقولوا عنها فعاله فى موضوع التخسيس
1- القرفه ( بتزود معدل الحرق) دراسه من مركز البحوث المصرى
2- القرفه والجنزبيل تساعد على زيادة معدل الحرق+ نضارة البشره
(جربيه وخليه مشروبك المفضل .... الناس الى جربوه مبسوطين منه قوى )
3- المشروب الى فى الرابط فى الموضوع بتاعك (جنزبيل+ شاى اخضر +كمون + نعناع) ان شاء الله يفيدك


واخر نصيحه هقولهالك ( مفيش حرمان من نعمة ربنا كلى كل الى تحبيه ومتحرميش نفسك من حاجه بس اهم حاجه خليكى بطيئه فى الاكل والحاجه الى بتتتخن كلى معاها خضار كتير ومتزوديش منها بس متحرميش نفسك منها )

امتنعى تماما عن المشروبات الغازيه والله دى سموم مش بس بتتخن دى كمان بتدمر الجسم حتى لو كنتى رفيعه ابعدى عنها تماما


وان شاء الله لو اتبعتى النصايح دى هتخسى شوية بشوية
من غير ما تحسى باى حرمان
انا شخصيا وزنى اتغير تماما وقربت للوزن المثالى
وشكلى اتحسن جداااااا الحمد لله
يا عنى تقدرى تقولى انى فى عداد الرفيعين

( وكلمة سر بينى وبينك .........اتفرجى على الممثلين ليلى علوى - ديانا كرازون)
شوفتى كانو عاملين ازاى وبقوا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟

ان شاء الله مفيش مستحيل
طول ما ربنا موجود مفيش مستحيل
وان شاء الله هتخسى وتبقى زى القمر بس نفذى من النهردة ان شاء الله
توصلى للى انت عايزاه يـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــارب
مع خالص تحياتى وحبى

اختي سنووايت تويو اولا الله يوفقك وتاخدي الماجستير
ثانيا اشكرك على ردك الجميل والمفرح
والله اني سوف ادعي لك في كل صلواتي

ردو علي