هنا هنتكلم فى كل مايخص تحليل البول

بسم الله الرحمن الرحيم
اولا انا اخوكم العنيد من مصر بدرس فى التحاليل الطبيه وليا خبرة صغيرة بالنسبه للشغل فى المختبرات ودا اول موضوع ليا فى المنتدى والصراحه انا اللى خلانى اكتب الموضوع انى لقيت المنتدى فيه بعض الكسل والخمول بالرغم من ان موضوع التحاليل الطبيه من المواضيع الهامه جدا والشيقه فى نفس الوقت0000
كفايه كلام بقى وخلينا فى الجدان شاء الله الموضوع ده هيكون مخصص لتحليل البول وان شاء الله لو كان فى تجاوب من الناس هنخش على تحليل البراز علشان بصراحه ( من وجهة نظرى ) ان تحليل البول والبراز اهم تحليلين لانهم بيعتمدوا على المهارة الفرديه يعنى من الاخر مهمين جدا 000
هنبدا بقى من بداية تحليل البول خالص يعنى هنبدأ بعملية: جمع البول
1- اولا علشان يكون التحليل كويس والنتايج سليمه يفضل ان تكون العينه فريش fesh
2- ثانيا يفضل انها تكون العينه الاولى فى الصباح لانها اكثر العينات اللى بتكون مطمئنه فى البحث لانها بتتجمع فى المثانه اثناء الليل ولذلك فهى اكثر العينات تركيزا للعناصر المختلفه 0
( لاحظوا ان انا بقول يفضل مش يجب علشان الناس تاخد بالها )
3-يجب أخذ عينة البول المراد فحصها في وعاء زجاجي نظيف مع كتابة اسم صاحب العينة علي الوعاء0
4- تؤخذ عينة البول من منتصف مجري البول0
5- إذا كانت عينة البول مطلوبة للفحص البكترولوجي يجب أن تؤخذ العينة في وعاء زجاجي معقم.
6-يجب فحص عينة البول فور أخذها ( وإذا تطلب الاحتفاظ بعينة البول لفترة أطول) فيجب حفظها في ثلاجة ولا تزيد المدة عن 24 ساعة ولا تترك أكثر من ساعة في درجة حرارة الغرفة.
0000000 كدا انا خلصت شوية الملاحظات بتاعتى ندخل بقى على الفحص الفيزيائى او الطبيعى يعنى بالعربى اللى بالعين المجردة وهو كالاتى :
الفحص الطبيعى :-

اللون
: أصفر
المظهر
: رائق شفاف
التفاعل
: حمضى
الكثافة النوعية
: 1015 – 1025

بالنسبه للون والمظهر فهما سهلين اما بالنسبه للتفاعل فده احنا بنعرفه عن طريق حاجه اكيد انتو عارفينها هى شرائط البول ودى احنا ان شاء الله هنتكلم عنها بالتفصيل فى الفحص الكيميائى0
اما بالنسبه للكثافه النوعيه فدى الصراحه انا ماشتغلنهاش عملى خالص بس انا جايب لكم الطريقه

طريقة قياس كثافة البول:

* بواسطة مقياس كثافة البول (inmete) وهو مدرج من 1000 حتي 1060 عند درجة حرارة(20) درجة مئوية .
* ضع حوالي 40 مل3 من البول في مخبار مدرج وضع مقياس كثافة البول بلطف .
* انتظر حتي يستقر وضعه علي ألا يكون ملامسا لجدار أو قاع المخبار .
* خذ القراءة الموجودة علي مقياس الكثافة الملاصقة للسطح العلوي للبول .
* عدل الكثافة النوعية حسب درجة حرارة الغرفة كالتالي: أضــف إلي القراءة (1) لكل 3 ْ م زيادة عن درجة 20 ْم والعكس صحيح بمعني اطرح (1) لكل ( 3 ْم) تقل عن درجة الحرارة (20 ْم)مثال: عند درجة الحرارة 26 ْم كانت الكثافة النوعية للبول (1021 ) تجد أن درجة الحرارة تزيد بمقدار 6 ْم) إذا بعد تعديل الكثافة النوعية تصبح (1023)


كفايه الجزء ده لحد مااشوف ردود افعال الاخوه الزملاء واى تساؤلات انا تحت امركم وان شاء الله هنكمل الحاجات الباقيه بعد مانشوف الردود اللى تفتح النفس وان شاء الله الموضوع ده هيكون مدعم بالصور بس بشرط يكون فيه تعاون 000 وربنا يوفقنا جميعا0000000




لاتنسونا من صالح دعائكم

مرحبا العنيد ...............................
الحضور رائع و التدعيم بالصور أكيد راح يكون أروع .

مع جزيل الشكر .

مشكور اخي العنيد موضوع مهم وقيم لاخوننا الطلاب وكذالك للمهتمين بامور التحاليل.

شكرا على مرورك اخت رنين وعلى كلامك الجميل وشكرا لك انت كمان يااخى باحث باثولوجى وان شاء الله اكون عند حسن ظن الجميع

ياجماعه الزيارات اكتر من عدد الردود انا عايز الناس تقول رأيها واللى عايز يسأل على حاجه يسأل يعنى عايزين نبقى ناجحين ازاى 00

الظاهر كده ان الناس كلها فاهمه ومش عايزه تسأل واللهى ده شىء كويس وقبل مانكمل الموضوع احب انبه بان الاخ ( سعد الفلاح ) عمل موضوع جديد ونزل فى موقع ممتاز فيه صور واشكال رواسب البول وجزاه الله كل خير ويارييت كل الناس ينزلو الموقع ده لأنه هيساعدكم جدا وعلى الاقل هيوفر عليا انا شخصيا رفع الصور 000كفايه كده ويللا بينا نكمل الموضوع :-
الفحص الكيميائى :-
أولا الزلال :- توجد طريقتين لفحص وجود الزلال فى البول وهما :
1- طريقة التجمد بالحرارة :

يملأ ثلثا أنبوبة اختبار من البول الرائق

* إذا كان البول غير رائق يتم ترشيحه أو تدويره في السنترفيوج.
* يسخن الجزء العلوي من الأنبوبة من 1 – 3 سم حتي الغليان ويستمر الغليان لمدة دقيتين .
* إذا تكونت عتامة بيضاء بالتسخيـن أضف 3 – 5 نقط محلول حامض الخليك المخفف 3% علي جانب الأنبوبـــــة إذا لم تختفي العتامـة دل ذلك علي وجود زلال وإذا أختفت العتامة دل ذلك علي وجـــود أملاح الفوسفــات عديمــــــــــــة الشكل (Amphs Phsphate) .2- طريقة شرائط البول :
ويتم ذلك بغمس الشريط في البول وإخراجه بسرعة ومسحه علي حافة الوعاء لإزالة بقايا البول العالقة علي الشريط ويتم قراءته خلال نصف دقيقة إلي دقيقة ويتم مقارنة اللون علي الشريط بالألوان القياسية الموجودة علي علبة الشرائط.
ثانيا الجلوكوز :-
1-اختبار بندكت:
يوضع 5 مل3 من محلول بندكت في أنبوبة اختبار ويضاف 8 نقط من البول ويغلي علي لهب بنزن لمدة دقيقتين ، اترك الأنبوبة بمحتوياتها لتبرد عند درجة حرارة الغرفة ، إذا تغير اللون الأزرق دل ذلك علي وجود السكر بالـبول وتكتب النتيجة حسب الجدول الآتي:
درجات اللون كمية الجلوكوز الأزرق :
الأزرق ( سلبى )
الأخضر ( أثر أو نسبه قليله )
الأخضر يصاحبه راسب اصفر( + )
أصفر إلي أصفر غامق ( ++ )
برتقالي إلي أحمر ( +++ )
بني ( ++++ )


ملحوظة عامة:
يوضع في الاعتبار أنه يوجد بعض مواد في البول قد تغير لون محلول البندكت مثل حمض الاسكوربيك ( فيتامين ج) والأسبرين وسكر اللبن (وخاصة بول السيدات الحوامل).

2-طريقة استخدام شرائط الجلوكوز:
يتم ذلك بغمس طرف الشريط في البول وإخراجه بسرعة ومسح بقايا البول من عليه ويترك من نصف دقيقة إلي دقيقة ويتم مقارنة اللون علي الشريط بالألوان القياسية الموجودة علي علبة الشريط .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هنا نقف عند حاجه مهمه وهى الاحتياطات الواجب مراعاتها عند إستخدام شرائط الغمس ( للجلوكوز):
الشرائط المصنعة لإجراء الاختبارات المختلفة علي عينات البول عبارة عن شرائط بلاستك بها مناطق لكل فحص تحتوي علي مواد كيميائية جافة مخصصة للتفاعل مع المادة المطلوب فحصها – يتكون لون مميز في الحالات السلبية لا يتغير لون منطقة ( مربع) الاختبار.
1. الرطوبة ودرجات الحرارة العالية تؤثر علي كفاءة الاختبارات لذا يجب حفظ العبوات في مكان بارد جاف ( وليس في الثلاجة) .
2. تجري الفحوص في درجة حرارة الغرفة 0
3. لمس الاختبارات يؤثر علي كفاءة التفاعل.
4. تجنب وضع الشرائط علي البنش مباشرة ويجب وضعها علي ورقة نظيفة جافة وكذلك لا تستعمل الشرائط في وجود أبخرة من الأحماض والقلويات المركزة.
5. تغير لون الكواشف يدل علي أنها فقدت حساسيتها.
6. تأكد من وصول مناطق الاختبار إلي البول وتجنب بقاء الشريط فترة طويلة ملامسا للبول0
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ثالثا أملاح الصفراء :
اختبار هاي(Hay's Test ) :
رش كمية قليلة من زهر الكبريت المسحوق علي سطح البول في كأس ..... إذا رسب زهر الكبريت إلي القاع دل ذلك علي وجود أملاح الصفراء.
صبغات الصفراء ( البليرويين ) :

* اختبار جملين ( Gemein's Test ) :يوضع 10 مل بول في أنبوبة اختبار ويضاف 4 مل من محلول كلوريد الباريوم بتركيز 10% - ترج الأنبوبة-

* يرشح البول ( كلوريد الباريوم يرسب البليرويين )
* تفرد ورق الترشيح علي ورقة أخري وتترك لتجف
* توضع بضع نقاط حمض نيتريك مركز ، ظهور ألوان ( أحمر – بنفسجي - أخضر ) يدل علي وجود بيليروبين.
* اختبار اليود (Idine Test) :ضع في أنبوبة اختبار حوالي 4 مل بول ثم ضع علي جدار الأنبوبة 4 نقط من محلول اليود الكحولي ( يذاب 0.5 جم بللورات يود في 100 مل ايثانول) ظهور حلقة خضراء عند اتصال المحلولين يدل علي وجود أصباغ الصفراء0

0000000( طبعا اختبار اليود اسهل بكتييير من اختبار جملين )0000000
بكده احنا خلصنا الفحص الكيميائى وان شاء الله هنكمل فى الفحص الميكروسكوبى المرة الجايه وربنا يوفقنا 0

الظاهر ان الواحد غلطان لأنه اشترك فى المنتدى ده ولأنه حاول يعمل حاجه كويسه فيه لأنه للاسف مفيش ذوق عند بعض الناس زى الأخ (سعد الفلاح) اللى عمل موضوع فى البول غير موضوعى وانا هسيبله الموضوع وكفايه عليا كده ودى ان شاء الله آخر مشاركه ليا فى المنتدى كله لكل من ويارب أكون عرفت أفيد أى حد ولو بنسبة واحد فى المليون0000000000

يا الاخ العنيد تعبك واضح و اكثر من مشكور ارجو ان تعود الى المنتدى

ارجوا ان تترك التكبر في اسلوبك يا اخ العنيد
اذ ان اسلوبك لا يليق بهذا المنتدى الراقي وليس بمستواه
اتمنى ان اكون قد تسببت في الازعاج .... لان انا من طبعي صريحه ......

السلام عليكم ورحمة الله وبركاتة
شكرا لك اخوي العنيد على هذا الموضوع الشيق واتمنى لك التوفيقbiggin1;

مشكور أخي العنيد على هذه المعلومات القيمة وجزاك الله خيرا وبارك الله فيك

جزاكم الله خيرا

السلام عليكم انا كنت قريت موضوع عن تحليل البول كنت عايز من الادارة تبعتلي ايميل صاحب الموضوع (العنيد) ولو هو قرا رسالتي ياريت يرد عليا

والله مشكور على هذا الموضوع
بس الظاهر انو قد انطرح الموضوع قبل كذا
ولاكن مشكور على هذا التعب

طيب الحمل كيف يتم اختبارة في تحليل البول ارجو الرد برسالة خاصة