اوكي
أنا بأول يوم رحت فيه للجامعه
والجامعه عنا كبيره ..بتضيعي فيها
رحت انا وصاحبتي
فعملوا اجتماع مع طلبة كل كلية لوحدهم
فهي راحت مع طلبة الهندسه وانا مع طلبة الطب
المهم لما خلصنا الاجتماع
بدنا نروّح عالبيت طبعا
انا ما بعرف طريق الترويحه بالضبط بعد اول باص رح أركبه
فقلت أرن عليها
ويومها كنت مشتريه موبايل جديد..يعني ولا مره أقفلته
اجيت بدي افتحه عشان أرن على صاحبتي اشوف وين هي
قام طلب مني كود عشان يفتح
وطبعا هو الكود الافتراضي وانا ما عندي اي علم
رحت أسأل الشرطي اللي واقف..واتشحتت شحتته كبييره
وبلاخير فتحته ولقيت صاحبتي تلفونها مقفل !!!
رحت روّحت لحالي
وما عرفت وين أنزل بالباص
يعني مأساة كان وضعي
نزلت عند أخرموقف..واخدت تاكسي للبيت
ويومها رجعت ببكي
لأني لفّيت الجامعه كلها لما ما لقيت الباب اللي دخلنا منه
يعني رجلي ما كنت حاسه فيهم
فأهلي صاروا يضحكوا علي ..ويقولولي معلش هي هيك أول مره
مش تقولي بديش جامعه من أول يوم ههههههه
بس هيك.واكيد بعدين حفظنا المواقع بالجامعه ومشي الحال
سلام
